Biz Azərbaycanın sosial-iqtisadi inkişafını bilavasitə
sahibkarlıqla, onun inkişafı ilə bağlayırıq!
KOBİA elektron ticarətin payının artırılması prosesində irəli sürüləcək təşəbbüsləri dəstəkləməyə hazırdır Mikro və kiçik sahibkarların məhsulları "Baku Build 2019" Sərgisində nümayiş olunacaqKOBİA daha bir biznes layihəsinin reallaşdırılmasına dəstək göstərdiKOBİA mikro və kiçik sahibkarların məhsullarının satışına dəstək göstərir “Biznes-modelin və biznes-planın hazırlanması” mövzusunda təlim keçiriləcək
Strateji yol xəritəsinin icra vəziyyəti müzakirə olunub 03.07.2019
Strateji yol xəritəsinin icra vəziyyəti müzakirə olunub

Azərbaycan Respublikası Prezidentinin 2016-cı il 6 dekabr tarixli Fərmanı ilə təsdiq edilmiş “Azərbaycan Respublikasında kiçik və orta sahibkarlıq səviyyəsində istehlak mallarının istehsalına dair Strateji Yol Xəritəsi”nin icra vəziyyəti müzakirə edilib.

Bununla bağlı Azərbaycan Respublikasının Kiçik və Orta Biznesin İnkişafı Agentliyində (KOBİA) sözügedən strateji yol xəritəsi üzrə yaradılmış müvafiq işçi qruplarının növbəti iclasları keçirilib.

İqtisadiyyat, Təhsil, Rabitə və Yüksək Texnologiyalar, Ədliyyə, Gənclər və İdman nazirliklərinin, KOBİA-nın, Azərbaycan Milli Elmlər Akademiyasının, Ailə, Qadın və Uşaq Problemləri üzrə Dövlət Komitəsinin və digər aidiyyəti dövlət qurumlarının nümayəndələrinin iştirak etdiyi iclaslarda biznes inkubatorların inkişafı, sahibkar düşüncə tərzinin təşviqində beynəlxalq təcrübənin öyrənilməsi, KOB subyektləri üçün “ömür boyu öyrənmək” imkanlarının təmin edilməsi, dövlət-özəl əməkdaşlığının genişləndirilməsi, biznes assosiasiyalarının gücləndirilməsi, qadın sahibkarlığına informasiya dəstəyinin göstərilməsi, KOB-lar üçün model müəssisələrin yaradılması və Strateji Yol Xəritəsində nəzərdə tutulan digər istiqamətlərdə görülmüş işlər müzakirə edilib, növbəti dövr üçün hədəflər və fəaliyyət istiqamətləri müəyyən edilib.