Biz Azərbaycanın sosial-iqtisadi inkişafını bilavasitə
sahibkarlıqla, onun inkişafı ilə bağlayırıq!
KOBİA yanında İctimai Şuranın yeni tərkibi müəyyən olundu KOBİA qadın sahibkarlığına dair onlayn forumda iştirak edib Elmi-praktik konfransda işğaldan azad olunmuş ərazilərdə biznesin inkişafı müzakirə edilib İstanbulda təşkil edilən və ölkəmizin də təmsil olunduğu “MUSİAD Expo 2020” sərgisi başa çatıbKOBİA və MÜSİAD arasında əməkdaşlığa dair Anlaşma Memorandumu imzalanıb
Kiçik və orta miqyaslı şirkətlər "EY İlin İş Adamı" müsabiqəsində iştiraka dəvət olunur 20.11.2020
Kiçik və orta miqyaslı şirkətlər "EY İlin İş Adamı" müsabiqəsində iştiraka dəvət olunur

EY İlin İş Adamı™” 2020-2021 proqramı innovativ ideyaları və müvəffəqiyyət qazanmaq istəyi ilə bazarda aparıcı mövqe tutan, cəmiyyətə müsbət təsir göstərən kiçik və orta miqyaslı şirkətlərin və sahibkarların namizədliklərini (ərizələrini) qəbul edir.

Kimlər iştirak edə bilər?

  • Namizəd və onun təmsil etdiyi şirkət Azərbaycanda fəaliyyət göstərməlidir
  • Namizəd şirkətdə ən azı son 2 ildə rəhbər vəzifə tutmalıdır
  • Namizədin təmsil etdiyi şirkətin dövriyyəsi 300 min manatdan 30 milyon manatadək olmalıdır
  • Namizəd son 2 il üzrə vergi nəticələrinin izlənilə bilməsini təmin etməli və maliyyə hesabatlarını təqdim edə bilməlidir

Namizədliyi necə irəli sürmək olar?

Uyğunluq meyarları ilə bağlı daha ətraflı məlumat almaq və namizədliyi irəli sürmək üçün www.eoy.az saytına daxil olun.

Proqramın cədvəli:

  • Namizədlik üçün ərizələr 25 dekabr 2020-ci il tarixinədək təqdim edilməlidir
  • Namizədliklər 2021-ci ilin yanvar-fevral aylarında müstəqil münsiflər heyəti tərəfindən qiymətləndiriləcək
  • “EY İlin İş Adamı” proqramının milli mərhələsinin finalçıları və yekun qalib qala mükafatlandırma mərasimində elan ediləcək
  • Milli qalib iyun ayında keçiriləcək “EY Dünya üzrə İlin İş Adamı” müsabiqəsində yarışmaq üçün imkan qazanacaq

Münsiflər heyəti:

Namizədliklərin irəli sürülməsinin ardınca müstəqil münsiflər heyəti tərəfindən uyğunluq meyarlarına cavab verən namizədlər arasından finalçılar və qaliblər seçiləcək. Münsiflər qiymətləndirmələri namizədin liderlik xüsusiyyətləri, yenilikçiliyi, kreativliyi və marketinq bacarığı, sosial məsuliyyət və dayanıqlı inkişafa diqqət kimi müxtəlif amillərə əsaslanaraq aparacaqlar.

Məxfilik:

Namizədliklər irəli sürülərkən təqdim olunan bütün maliyyə və fərdi məlumatlar məxfi hesab ediləcək və müvafiq olaraq qorunacaq.

Tərəfdaşlar:

“EY İlin İş Adamı™“ müsabiqəsi Azərbaycan Respublikasının Kiçik və Orta Biznesin İnkişafı Agentliyi ilə tərəfdaşlıq çərçivəsində Azərbaycan Beynəlxalq Bankı və BP-nin maliyyə dəstəyi ilə keçirilir. Ekvita konsaltinq şirkəti müsabiqənin tərəfdaşları sırasındadır.

“EY İlin İş Adamı™” proqramı haqqında:

EY şirkəti tərəfindən təsis edilmiş “EY İlin İş Adamı™” müsabiqəsi 1986-cı ildən etibarən keçirilir. Dünyanın ən nüfuzlu işgüzar mükafatı olan "EY İlin İş Adamı" proqramının məqsədi yüksək potensiala malik iş adamlarının sahibkarlıq fəaliyyətini təşviq etmək, liderliyi və uğurlarını nümayiş etdirməklə başqalarını təşviq etməkdir. Öz sahəsində ilk və yeganə qlobal mükafat proqramı olaraq, "EY İlin İş Adamı" 60-dan çox ölkənin 145-dən çox şəhərini əhatə edən regional, milli və qlobal proqram çərçivəsində uğurlu, böyüyən və dinamik biznes quran sahibkarları üzə çıxarır.