KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

KOBİA “Ambisiyaların artırılması və fəaliyyətə təkan: COP29 Dayanıqlı Biznes Forumu”nda təmsil olunub KOB-lar “Caspian Agro” və “İnterFood Azerbaijan” sərgilərində məhsul və xidmətlərini təqdim edir Azərbaycanda ilk dəfə süni intellektlə işləyən reklam robotu hazırlanıb KOB subyektləri haqqında məlumatlar vahid reyestrdə toplanacaq “Bakı KOB evi”ndə “Heydər Əliyev - unudulmaz lider” adlı foto-xalça sərgisi keçirilib KOB Model Müəssisəsi istehsal prosesində məhsuldarlığı və səmərəliliyi artırır Ölkə sərhədlərini aşan startaplarımız KOBİA Türkiyənin DEİK təşkilatı, eləcə də SESRİC ilə sənədlər imzalayıb Fəaliyyət göstərdiyi ərazidən asılı olmayaraq sahibkarlar istənilən KOB evinin xidmətindən yararlana bilərmi? KOBİA Əbu-Dabidə keçirilən “AİM Congress”in müvafiq panelində təmsil olunub

“Qarabağ KOB-ları” proqramı 2024-cü ildə də davam etdiriləcək 29.04.24

Proqram çərçivəsində 50-yə yaxın KOB subyekti yaradılıb və özünüməşğulluq proqramı çərçivəsində zəruri avadanlıqlarla təmin edilib.

Müharibə iştirakçılarının, qazilərin və şəhid ailələrinin sosial rifahının yaxşılaşdırılmasına, məşğulluğunun təmin edilməsinə dəstək məqsədilə həyata keçirilən “Qarabağ KOB-ları” proqramı çərçivəsində indiyədək 50-ə yaxın KOB subyekti zəruri avadanlıqlarla təmin edilib.

Qeyd edək ki, proqram 2023-cü ilin aprel ayından etibarən Kiçik və Orta Biznesin İnkişafı Agentliyi (KOBİA) və Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyinin dəstəyi, “Paşa Holding”in maliyyə vəsaiti hesabına reallaşdırılıb.

Proqram Bakı şəhəri, Şamaxı, İsmayıllı, Şəki və Zaqatala rayonlarını əhatə edib. Proqrama qoşulmaq üçün müraciət etmiş iştirakçılar üçün maliyyənin idarə olunması, biznes planın hazırlanması, marketinq, insan resurslarının idarə edilməsi, satış və digər zəruri mövzularda təlimlər keçirilib. Biznes təlimlərini uğurla başa vurmuş iştirakçılar seçdikləri fəaliyyət istiqamətləri üzrə plastik qapı-pəncərə, qənnadı məmulatlarının istehsalı, dərzi, gözəllik salonu, dülgər sənəti üzrə peşə təlimlərinə cəlb olunublar. Proqramın yekun mərhələsində isə iştirakçılar özünüməşğulluq proqramı çərçivəsində zəruri avadanlıqlarla təmin edilib. Beləliklə də 50-yə yaxın yeni KOB subyekti yaranıb.

“Qarabağ KOB-ları” proqramının “Paşa Holding”in maliyyə dəstəyi ilə 2024-cü ildə də davam etdirilməsi nəzərdə tutulur. Proqrama müraciətlərin qəbulu və mərhələlər barədə ictimaiyyətə əlavə məlumat veriləcəkdir.