Mikro, kiçik və orta biznes subyektləri üçün “ömür boyu öyrənmək” imkanlarının təmin edilməsi məqsədilə Azərbaycan Respublikasının Kiçik və Orta Biznesin İnkişafı Agentliyi (KOBİA) tərəfindən dövlət-özəl əməkdaşlığı çərçivəsində mütəmadi olaraq birgə təlim, seminar, treninq və bu kimi tədbirlər təşkil olunur, sahibkarlar maarifləndirilir.
KOBİA-nın dəstəyi ilə mikro və kiçik sahibkarlıq subyektləri üçün “İş yerində bədən dili” mövzusunda seminar keçirilib.
Tədbirdə “EduMark Consulting” şirkəti tərəfindən startaplara və sahibkarlara, o cümlədən gənc və qadın sahibkarlara iş mühitində rəhbər və digər şəxslərlə münasibətlərin idarə olunması, effektiv əlaqələrin qurulması, “bədən dili”ndən (jest, mimika və s.) düzgün istifadə barədə nəzəri və praktik məlumatlar təqdim olunub.
Powered by Froala Editor
