Biz Azərbaycanın sosial-iqtisadi inkişafını bilavasitə
sahibkarlıqla, onun inkişafı ilə bağlayırıq!
Koronavirus pandemiyasından zərər çəkmiş sahibkarlara maliyyə dəstəyinin göstərilməsi mexanizmləri haqqındaTədbirlər Planının icrası barədə AYİB ilə Azərbaycanın əməkdaşlıq imkanları müzakirə edilibİqtisadi artıma və sahibkarlığa əsas dəstək alətləriSahibkarların təkliflərinə İqtisadiyyat üzrə İşçi Qrupunda baxılır
KOBİA-da və Xaçmaz KOB evində koronavirus təhlükəsinə qarşı kompleks profilaktik tədbirlər görülür 16.03.2020
KOBİA-da və Xaçmaz KOB evində koronavirus təhlükəsinə qarşı kompleks profilaktik tədbirlər görülür

Azərbaycan Respublikasının Kiçik və Orta Biznesin İnkişafı Agentliyinin (KOBİA) Xaçmaz şəhərində yerləşən KOB evində və Agentliyin inzibati binasında koronavirus (COVİD-19) infeksiyasına qarşı kompleks profilaktik tədbirlər davam etdirilir.

Nazirlər Kabinetinin “Azərbaycanda yeni koronavirus xəstəliyinin yayılmasının qarşısının alınmasına dair fəaliyyət planı”na uyğun olaraq, Xaçmaz KOB evi və Agentliyin inzibati binası dezinfeksiya olunub. Dezinfeksiya işləri zamanı binalardakı xidməti pəncərələrin, görüş otaqlarının, konfrans zallarının, lift və pilləkənlərin, sanitar qovşaqların və s. xüsusi maddələrlə dərmanlanması işləri həyata keçirilib. Qeyd edək ki, kompleks profilaktik tədbirlərə uyğun olaraq, gündəlik KOBİA-nın strukturuna daxil olan binalarda döşəmələr, qapı dəstəkləri və digər təmas səthləri bir neçə dəfə xüsusi dezinfeksiyaedici məhlullarla təmizlənir.

Eyni zamanda sahibkarlıq fəaliyyəti ilə bağlı Agentliyə və Xaçmaz KOB evinə müraciət edən sahibkarlara koronavirus infeksiyası barədə məlumat verilir, “KOB könüllüləri” tərəfindən onlara maarifləndirici bukletlər paylanılır. Sahibkarlarla yanaşı, Agentliyin və Xaçmaz KOB evinin əməkdaşları Ümumdünya Səhiyyə Təşkilatının və Azərbaycan Respublikası Səhiyyə Nazirliyinin tövsiyələri əsasında xəstəliyin simptomları və onun yayılmasının qarşısının alınması yolları haqqında məlumatlandırılır.