Biz Azərbaycanın sosial-iqtisadi inkişafını bilavasitə
sahibkarlıqla, onun inkişafı ilə bağlayırıq!
KOB-ların məhsul və xidmətləri "Baku Build 2019" Sərgisində KOBİA elektron ticarətin payının artırılması prosesində irəli sürüləcək təşəbbüsləri dəstəkləməyə hazırdır Mikro və kiçik sahibkarların məhsulları "Baku Build 2019" Sərgisində nümayiş olunacaqKOBİA daha bir biznes layihəsinin reallaşdırılmasına dəstək göstərdiKOBİA mikro və kiçik sahibkarların məhsullarının satışına dəstək göstərir
Sahibkarlığın inkişafına dair dəyirmi masalar keçirilib 04.05.2019
Sahibkarlığın inkişafına dair dəyirmi masalar keçirilib


Avropa İttifaqının Şərq Tərəfdaşlığı Təşəbbüsü çərçivəsində 30 aprel - 2 may tarixlərində Bakıda sahibkarlıq bacarıqları, sahibkarlığın tədrisi və qadın sahibkarlığı mövzularında dəyirmi masalar keçirilib.

Azərbaycan Respublikasının Kiçik və Orta Biznesin İnkişafı Agentliyinin təşkilatçılığı ilə keçirilmiş dəyirmi masalarda dövlət və özəl qurumların nümayəndələri, Avropa Treninq Fondunun ekspertləri iştirak ediblər.

Sahibkarlıq bacarıqlarına dair Kiçik və Orta Biznesin İnkişafı Agentliyində, sahibkarlığın tədrisi üzrə Təhsil Nazirliyində, qadın sahibkarlığı ilə bağlı Ailə, Qadın və Uşaq Problemləri üzrə Dövlət Komitəsində təşkil olunmuş dəyirmi masalarda ölkəmizdə sahibkarların ömür boyu öyrənmək imkanlarına, bu sahədə innovativ tədris və təlim metodlarının tətbiqinə, peşə təhsili sistemində sahibkar düşüncə tərzinin təşviqinə, qadın sahibkarlığın inkişafı mexanizmlərinə dair müzakirələr aparılıb.

Qeyd edək ki, dəyirmi masalar çərçivəsində aparılmış müzakirələrin nəticələri Avropa Komissiyasının “Kiçik Biznes Aktı” üzrə həyata keçiriləcək qiymətləndirilmə zamanı istifadə ediləcəkdir.