KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

Şəkidə keçirilən “KOB FEST” sərgi-satış yarmarkasında 70-dən çox KOB subyektinin məhsul və xidmətləri sərgilənir Sahibkarların iştirakı ilə ətraf mühiti idarəetmə sistemlərinə dair tədbir keçirilib Sahibkarların mikro, kiçik, orta və ya iri sahibkar kimi müəyyənləşdirilməsi üçün hansı meyar əsas götürülür? Bu ilin birinci yarısında KOB evlərində sahibkarlara 200 mindən çox xidmət göstərilib KOBİA nümayəndələrinin İspaniyaya səfəri çərçivəsində bir sıra görüşlər keçirilib Yerli bizneslər ESG və “yaşıl gündəliyə” hazır olmaq üçün nə etməlidir? Mindən çox KOB subyekti, startap və biznesə başlamaq istəyən şəxsə sahibkarlıq sahəsində təlim və məsləhət xidməti göstərilib “Startap” şəhadətnaməsi kimlərə verilir? Bursa Ticarət və Sənaye Palatasının nümayəndələri ilə görüş keçirilib Daha 10 KOB subyektinə “Startap” şəhadətnaməsi verilib

Aqrar sahədə fəaliyyət göstərən sahibkarlar KOBİA-nın dəstək və xidmətləri barədə məlumatlandırılıb 13.09.21

Sentyabrın 13-də Xaçmaz şəhərində keçirilən toxum sərgi-satış yarmarkasında Kiçik və Orta Biznesin İnkişafı Agentliyinin (KOBİA) sahibkarlara göstərdiyi dəstək və xidmətlər də təqdim olunub.

Agentliyin Xaçmaz KOB evinin qarşısında təşkil olunmuş yarmarkada iştirakçılara KOBİA-nın KOB dostu, KOB evi və KOB İnkişaf Mərkəzi barədə ətraflı məlumat verilib. Qeyd olunub ki, Xaçmaz KOB evində sahibkarlara 20-yə yaxın dövlət və özəl qurum tərəfindən 200-ə yaxın xidmət göstərilir. Xaçmaz KOB İnkişaf Mərkəzi sahibkarlara mərkəzdə və təsərrüfatlarda olmaqla ödənişsiz təlim və məsləhət xidmətləri göstərir. Öz biznesini qurmaq və inkişaf etdirmək istəyən sahibkarlar dövlət dəstəyi mexanizmləri, o cümlədən Agentlik tərəfindən göstərilən xidmətlər, sahibkar maraqlarının müdafiəsi üçün KOB dostuna müraciət edə bilərlər. Həmçinin, sərgi çərçivəsində sahibkarlara KOBİA-a tərəfindən göstərilən daxili bazar araşdırması, təhsil, elm, tədqiqat və dəstək layihələrinin maliyyələşdirilməsi, “Startap” şəhadətnaməsi, kobmarket.az onlayn ticarət portalı barədə də məlumat verilib.

Yarmarkada həmçinin, Agentliyin "KOB könüllüləri" tərəfindən iştirakçılara KOBİA-nın fəaliyyətinə dair müxtəlif məlumatlandırıcı bukletlər paylanıb.

Qeyd edək ki, Kənd Təsərrüfatı Nazirliyi yanında Aqrar Xidmətlər Agentliyi və Dövlət Toxum Fondunun təşkilatçılığı ilə keçirilmiş toxum sərgi-satış yarmarkasında Xaçmaz və ətraf rayonlarda fəaliyyət göstərən fermerlər, yerli toxum istehsalçıları, elmi-tədqiqat institutları, toxum istehsalı və satışı ilə məşğul olan şirkətlər iştirak ediblər. Yarmarkanın keçirilməsində məqsəd yerli toxum bazarının formalaşması, payızlıq əkinlər ərəfəsində yerli toxuma olan tələbatın ödənilməsi, toxum istehsalçıları ilə fermerlər arasında birbaşa münasibətlərin qurulmasına köməklik etməkdir.