Azərbaycan Respublikasının Kiçik və Orta Biznesin İnkişafı Agentliyi insan kapitalının inkişafına, effektiv və şəffaf kadr siyasətinin həyata keçirilməsinə xüsusi əhəmiyyət verir.
Agentliyin kadr siyasəti yüksək ixtisaslı və peşəkar kadr potensialının formalaşdırılmasına yönəldilib.
Hazırda Agentlikdə yerli ali məktəblərin məzunları ilə yanaşı, dünyanın bir çox aparıcı universitetlərində təhsil almış savadlı və təcrübəli kadrlar çalışır.
Agentlikdə işləməklə Siz, peşəkar, öz işini bilən mütəxəssislərdən ibarət mehriban və səmimi komandada işləmək, eləcə də ixtisasınızı artırmaq, böyük təcrübə toplamaq və daim inkişaf etmək imkanı əldə edəcəksiniz.
Agentlik işçilərinin təhsilinə və peşəkar inkişafına böyük önəm verir, onlara müxtəlif yerli və xarici təşkilatların təşkil etdikləri treninqlərdə, seminarlarda və kurslarda iştirak etmək imkanı yaradır.
Agentlikdə işə qəbul mərhələli müsahibə formasında, şəffaflıq, bərabərlik və qərəzsizlik prinsipləri əsasında həyata keçirilir.
Əgər Siz də, mövcud vakansiyalar üzrə bizə müraciət etmək istəyirsinizsə elektron anket formanızı müraciət etmək istədiyiniz sahə göstərilməklə hr@smb.gov.az ünvanına göndərə bilərsiniz.
Powered by Froala Editor
