Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq
Ağdaşda sahibkarların qəbulu keçiriləcək İsmayıllıda sahibkarlığın inkişafına dair görüş təşkil olunub "Şəhərsalma iqtisadi katalizator kimi” mövzusunda interaktiv sessiya keçirilib KOBİA və SEBRAE qadın sahibkarlığına dair müzakirələr aparıb İnnovasiya və startap müsabiqəsi: 57 ölkədən startapçılar Bakıda bir araya gəlir Hər bir biznes fəaliyyəti üçün dövlətdən lisenziya alınmalıdır? KOB-ların satış imkanlarını genişləndirən dəstək alətləri Startaplar üçün İnnovasiya və Startap Müsabiqəsi elan olunur! Hansı strateji sahələrə investisiya təşviqi sənədi verilir? Cari ilin I rübündə sahibkarlara 16 “Startap” şəhadətnaməsi verilib
KOB Model Müəssisə

KOB Model Müəssisə ilkin planlaşdırmadan başlayaraq müəssisənin qurulmasına qədər real biznes prosesini əyani müşahidə etməyə imkan verən məkandır. “Görmə, eşitmə və icra etmə” konsepsiyası əsasında fəaliyyət göstərən model müəssisə zəruri avadanlıqlarla təchiz olunub ki, bu da müasir texnoloji avadanlıqların fəaliyyətini əyani görməyə və nəzəri bilikləri istehsal prosesində təcrübədən keçirməyə imkan verir. 

Kiçik və Orta Biznesin İnkişafı Agentliyi (KOBİA) tərəfindən beynəlxalq təcrübə araşdırılmaqla yaradılmış model müəssisə Azərbaycan Texniki Universitetində fəaliyyət göstərir. 

KOB Model Müəssisənin xidmətlərindən istifadə etmək istəyən sahibkarlıq subyektləri aşağıdakı tələblərə cavab verməlidir: 

- KOB subyekti istehsalat ilə məşğul olmalıdır;

- İstehsalatda və istehsalatın idarə edilməsində müasir biliklərə yiyələnmək və tətbiq etmək istəyi olmalıdır.

Model Müəssisə tərəfindən keçirilən təlimlərdə sahibkarlarla yanaşı, aidiyyəti ixtisaslar üzrə təhsil alan tələbələr və bu fənləri tədris edən müəllimlər də iştirak edə bilərlər. 

KOB Model Müəssisənin təlim proqramı ilə sahibkarlar qənaətli istehsal, resurslardan və xammaldan səmərəli istifadə, hazır məhsulun düzgün saxlanılması, istehsal prosesinin və vaxtın optimallaşdırılması, işçi qüvvəsinin istehsal prosesində bərabər paylaşdırılması, rəqabət qabiliyyətliliyinə dair bacarıqlarını artırmaqla müasir biliklərə yiyələnərək öz müəssisələrində tətbiq edirlər. 

Təlimlər aşağdakı mövzuları əhatə edir: 

- Dəyər, məsrəf və sahədə itki 

- ΚΡΙ-ΚΑΙ

- Standartlaşdırma

- Vaxtın ölçülməsi və müşahidə metodları

- 5S strategiyası

- Kaizen sistemi

- SMED

- Poka-Yoke, Jidoka

- JIT - Sinxronizasiya

- İtələmə-çəkmə sistemləri

- İdarəetmə strategiyası və davamlı inkişaf

Təlimləri uğurla tamamlamış və müvafiq biliklərə yiyələnmiş şirkət nümayəndələrinə sonrakı mərhələlərdə də KOB Model Müəssisənin heyəti və təlimçiləri tərəfindən dəstək davam etdiriləcək.

Model müəssisənin imkanlarından faydalanmaq istəyən sahibkarlar KOBİA-ya birbaşa (info@smb.gov.az və ya www.smb.gov.az saytının “Agentliyə birbaşa müraciət” bölməsi), eləcə model müəssisənin sosial media hesabları vasitəsilə müraciət edə bilərlər. Agentliyə daxil olan müraciətlər müvafiq bazaya əlavə ediləcək və tələblərə cavab verən sahibkarlar təlim proqramına uyğun olaraq mərhələli şəkildə təlimlərə cəlb olunacaqlar. 

Model Müəssisə tərəfindən göstərilən bütün xidmətlər ödənişsizdir. 

Ətraflı məlumat üçün: 131 Çağrı Mərkəzi.

Powered by Froala Editor