KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

İnnovativ startaplar yerli bazarı hərəkətləndirir II HİSSƏ Seçim sadədir: Yerli istehsal olmalı, məhsulu istehsalçı özü satmalı, məhsullar təzə və keyfiyyətli olmalıdır İnnovativ startaplar yerli bazarı hərəkətləndirir KOBİA tərəfindən maarifləndirici flayer və bukletlər hazırlanıb Kənd təsərrüfatı, sənaye və xidmət sektorlarında çalışan sahibkarların müraciətlərinə baxılıb Ağdaşın biznes imkanlarının reallaşdırılması sahibkarların iştirakı ilə müzakirə edilib “Startap” şəhadətnaməsi almış KOB subyektlərinin sayı 199-a çatıb “KOB-ların yaşıl keçidi üçün Bakı İqlim Koalisiyası: Qadınların rolunun artırılması” mövzusunda panel müzakirə keçirilib "CBC FM"in "İqtisadi həftə" verilişi “Uğurlu tərəfdaşlıqda xanım sahibkarlar” layihəsi başa çatıb

"KOB Könüllüləri" Proqramı

"KOB könüllüləri" Proqramı Azərbaycan Respublikasının Kiçik və Orta Biznesin İnkişafı Agentliyində “KOB könüllüləri” fəaliyyətinin tənzimlənməsinə dair Qaydalara, Agentliyin nizamnaməsinə, “Könüllü fəaliyyət haqqında” Azərbaycan Respublikasının Qanununa və digər əlaqəli normativ hüquqi aktlara müvafiq olaraq hazırlanıb.

“KOB könüllüləri” Proqramının missiyası və məqsədi

“KOB könüllüləri” Proqramının missiyası ölkəmizdə könüllü fəaliyyətinin təkmilləşdirilməsindən və könüllülərin praktiki bilik və bacarıqlarının gücləndirilməsindən ibarətdir.

Proqramın məqsədləri aşağıdakılardır:

könüllülərin gələcək professional fəaliyyətində uğur qazanmaları üçün praktiki biliklərlə təmin edilməsi;
könüllülərin maariflənməsi, intellektual və mənəvi inkişafı, cəmiyyətdə fəal iştirakının düzgün istiqamətləndirilməsi;
istedadlı könüllülərin aşkarlanması və dəstəklənməsi;
könüllülərin şəxsi inkişafı üçün şəraitin yaradılması.

“KOB könüllüləri” Proqramına necə qoşulmaq olar?

“KOB könüllüləri” Proqramına qoşulmaq istəyən namizəd Agentliyin www.smb.gov.az rəsmi internet səhifəsində "KOB könüllüsü ol” bölməsində qeydiyyatdan keçməlidir. "KOB könüllüsü ol" bölməsinə daxil olan bütün müraciətlər dəyərləndirilir və könüllülərə dair seçim meyarlarına uyğun namizədlər Agentliyin könüllü ehtiyacı nəzərə alınmaqla könüllü fəaliyyəti üçün dəvət olunur.

“KOB könüllüləri” Proqramı üzrə seçim meyarları:

- Uyğun istiqamətdə ixtisas (biznes və menecment ixtisaslarına üstünlük verilir);

- Komandada işləmək bacarığı;

- Ünsiyyətcil və təşəbbüskar olması;

- İdeyalarını açıq şəkildə ifadə etmək bacarığı;

- Microsoft office proqramlarını bilmək;

- Dil biliklərinin olması (rus, ingilis və s.).

Proqram KOB Master 1 və KOB Master 2 olmaqla iki pillədən ibarətdir. KOB Master 2 mərhələsinə müraciət etmək üçün KOB Master 1 pilləsindən 1-ci dərəcəli sertifikatla məzun olmaq tələb olunur.

Proqramda iştirak hər pillə üçün 3 ay nəzərdə tutulur. Könüllü fəaliyyətində iştirak edən şəxslər müvafiq olaraq Agentliyin struktur bölmələrində (Aparat, KOB dostu ofisləri, KOB evləri və s.) könüllü fəaliyyətinə cəlb olunur.

"KOB könüllüləri" Proqramında iştirak edəcək hər bir könüllüyə vəzifə təlimatı, daxili-intizam qaydalarına dair müvafiq sənəd təqdim edilir.

Proqramı başa vurmuş iştirakçıların fəaliyyəti qiymətləndirilir və fəaliyyəti məqbul sayılan iştirakçılar müvafiq olaraq KOB Master 1 və KOB Master 2 sertifikatı ilə təltif olunurlar.