KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

Qadın sahibkarların biznes bilikləri artırılır KOB sahəsində əməkdaşlıq imkanlarına dair fikir mübadiləsi aparılıb Kənd qonaq evləri - ölkə turizminin inkişafında yeni səhifə Beynəlxalq təhlilçi Hamdi Rifai ilə görüş keçirilib KOB-ların təhsil, elm, tədqiqat və dəstək sahələri üzrə layihələrinin maliyyələşdirilməsinə başlanılıb Korrupsiyaya qarşı mübarizəyə dair tədbir keçirilib UNDP-nin Azərbaycan üzrə rezident nümayəndəsi ilə görüş keçirilib “İstehlakçı hüquqlarının qorunmasında dövlət orqanlarının rolu” mövzusunda konfrans keçirilib Almaniya-Azərbaycan birgə Proqramının məzunları üçün seminar keçirilib KOBİA nümayəndələri "VMF Natural Frequencies" saat fabrikində olub

Azərbaycan-İsveçrə Birgə Komissiyasının növbəti iclası keçirilib 14.12.22

Dekabrın 13-də Azərbaycan Respublikası Hökuməti ilə İsveçrə Federal Şurası arasında ticarət və iqtisadi əməkdaşlıq üzrə Birgə Komissiyanın 9-cu iclası keçirilib.

İclada çıxış edən Birgə Komissiyanın həmsədrləri - iqtisadiyyat naziri Mikayıl Cabbarov və İsveçrə Konfederasiyasının Ticarət Sazişləri üzrə Federal Şurasının nümayəndəsi, İqtisadi Məsələlər üzrə Dövlət Katibliyinin İkitərəfli İqtisadi Əlaqələr İdarəsinin rəhbəri Ervin Bollinger ölkələrimiz arasında iqtisadi-ticarət əlaqələrinə və əməkdaşlıq imkanlarına dair məlumat veriblər.

Tədbirdə Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov Azərbaycan və İsveçrə arasında inkişaf edən əlaqələrin özəl sektorda tərəfdaşlıq üçün əlverişli zəmin yaratdığını qeyd edib, KOBİA-nın bizneslərin əlaqələndirilməsi istiqamətində fəaliyyəti barədə məlumat verib.

İclasda ticarət, investisiya, sənaye, kənd təsərrüfatı, enerji, rəqəmsal iqtisadiyyat, turizm və digər sahələrdə əməkdaşlığın müxtəlif istiqamətlərdə genişləndirilməsi perspektivləri müzakirə olunub, iclas iştirakçılarının təklifləri dinlənilib.

Sonda Azərbaycan Respublikası Hökuməti ilə İsveçrə Federal Şurası arasında ticarət və iqtisadi əməkdaşlıq üzrə Birgə Komissiyanın 9-cu iclasının protokolu imzalanıb. Sənəddə iki ölkə arasında iqtisadi-ticarət əməkdaşlığının müxtəlif sahələr üzrə inkişafı nəzərdə tutulur.