KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

Şəkidə keçirilən “KOB FEST” sərgi-satış yarmarkasında 70-dən çox KOB subyektinin məhsul və xidmətləri sərgilənir Sahibkarların iştirakı ilə ətraf mühiti idarəetmə sistemlərinə dair tədbir keçirilib Sahibkarların mikro, kiçik, orta və ya iri sahibkar kimi müəyyənləşdirilməsi üçün hansı meyar əsas götürülür? Bu ilin birinci yarısında KOB evlərində sahibkarlara 200 mindən çox xidmət göstərilib KOBİA nümayəndələrinin İspaniyaya səfəri çərçivəsində bir sıra görüşlər keçirilib Yerli bizneslər ESG və “yaşıl gündəliyə” hazır olmaq üçün nə etməlidir? Mindən çox KOB subyekti, startap və biznesə başlamaq istəyən şəxsə sahibkarlıq sahəsində təlim və məsləhət xidməti göstərilib “Startap” şəhadətnaməsi kimlərə verilir? Bursa Ticarət və Sənaye Palatasının nümayəndələri ilə görüş keçirilib Daha 10 KOB subyektinə “Startap” şəhadətnaməsi verilib

Azərbaycan məhsulları “Global Village” Beynəlxalq Yarmarkasında sərgilənir 06.01.21

Kiçik və Orta Biznesin İnkişafı Agentliyinin (KOBİA) nümayəndə heyəti Birləşmiş Ərəb Əmirliklərinin Dubay şəhərinə səfər çərçivəsində hər il ənənəvi olaraq keçirilən “Global Village” Beynəlxalq Yarmarkasında “Azərbaycan” pavilyonu ilə tanış olublar.

KOBİA və Dubay şəhərindəki Azərbaycan Ticarət Evinin təşkilatçılığı, ölkəmizin Birləşmiş Ərəb Əmirliklərindəki Ticarət Nümayəndəliyinin dəstəyi ilə “Azərbaycan” pavilyonunda bir sıra yerli şirkətlərin məhsulları – meyvə-tərəvəz, meyvə şirələri, kompotlar, bal, çay, mürəbbə, şirniyyat, konservləşdirilmiş məhsullar, xalçalar, kəlağayı, milli suvenirlər və s. “Made in Azerbaijan” brendi ilə nümayiş olunur.

Sərgi ilə tanışlıq çərçivəsində KOBİA-nın İdarə Heyətinin sədri Orxan Məmmədovun “Global Village” yarmarkasının rəhbər şəxsləri ilə görüşündə “Azərbaycan” pavilyonuna ziyarətçilər tərəfindən böyük marağın olduğu, növbəti illərdə pavilyonun genişləndirilməsi potensialı vurğulanıb.

Qeyd edək ki, 1996-cı ildən təşkil olunan “Global Village” hazırda dünyanın ən böyük beynəlxalq yarmarkalarından hesab olunur. Hər il oktyabr ayından növbəti ilin aprel ayınadək təşkil olunan yarmarkada KOBİA-nın dəstəyi ilə Azərbaycan şirkətləri 2019-cu ildən təmsil olunur.