Azərbaycan Respublikası və Misir Ərəb Respublikası arasında Hökumətlərarası iqtisadi, texniki və elmi əməkdaşlıq üzrə Müştərək Komissiyanın 5-ci iclası çərçivəsində Azərbaycan-Misir biznes forumu keçirilib.
Tədbirdə çıxış edən Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov biznes forumun iş adamları arasında əməkdaşlığın təşviqi üçün əlverişli platforma olduğunu, Agentliyin biznes nümayəndələri arasında birgə təşəbbüsləri dəstəkləməyə hazır olduğunu vurğulayıb, KOBİA-nın fəaliyyəti, iş adamlarına göstərdiyi dəstək və xidmətlər barədə məlumat verib.
İxracın və İnvestisiyaların Təşviqi Agentliyinin (AZPROMO) təşkilatçılığı ilə keçirilmiş forumda hər iki ölkədən rəsmi şəxslərlə yanaşı, kənd təsərrüfatı, qida sənayesi, tibb, tikinti, informasiya texnologiyaları, maliyyə və s. sektorlarda fəaliyyət göstərən iş adamları iştirak edib.
Powered by Froala Editor
