KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

Sahibkarların mikro, kiçik, orta və ya iri sahibkar kimi müəyyənləşdirilməsi üçün hansı meyar əsas götürülür? Bu ilin birinci yarısında KOB evlərində sahibkarlara 200 mindən çox xidmət göstərilib KOBİA nümayəndələrinin İspaniyaya səfəri çərçivəsində bir sıra görüşlər keçirilib Yerli bizneslər ESG və “yaşıl gündəliyə” hazır olmaq üçün nə etməlidir? Mindən çox KOB subyekti, startap və biznesə başlamaq istəyən şəxsə sahibkarlıq sahəsində təlim və məsləhət xidməti göstərilib “Startap” şəhadətnaməsi kimlərə verilir? Bursa Ticarət və Sənaye Palatasının nümayəndələri ilə görüş keçirilib Daha 10 KOB subyektinə “Startap” şəhadətnaməsi verilib KOB-lar üçün yaşıl iqlim maliyyələşdirilməsinə dair iki günlük seminar keçirilib “Qarabağ KOB-ları 2024” proqramına başlanıb

Azərbaycan startapları Beynəlxalq Startap Yarışmasında iştirak etməyə dəvət olunur 01.09.20

İslam İnkişaf Bankı Qrupunun (IsDB Group) hər il İllik İnvestisiya Toplantısı ərəfəsində təşkil etdiyi Beynəlxalq Startap Yarışmasında Azərbaycan startapçıları da iştirak edə bilər.

Kiçik və Orta Biznesin İnkişafı Agentliyi (KOBİA) Beynəlxalq Startap Yarışmasının Azərbaycan üzrə milli turunun rəsmi tərəfdaşıdır.

KOBİA bu gündən etibarən Beynəlxalq Startap Yarışmasının Azərbaycan üzrə milli turuna start verir. Startaplar sosial inkişaf, innovasiyalardan daha yaxşı istifadə, iqlim və ətraf mühitə təsir, məxfilik və məlumatların qorunması və startapın inkişafı kateqoriyaları üzrə yarışa qatıla bilərlər.

Yarışda iştirak üçün tələblər:

• İşçilərinin və komanda üzvlərinin sayı 20-dək olmalı;

• Müvafiq kateqoriyalara uyğunluq;

• Startapın minimum prototipinin və ya ideya/layihənin işlək modelinin (software, app, web service), mövcud istifadəçilərinin olması;

• milli və beynəlxalq yarışlarda iştirak edənlərə üstünlük veriləcək.

Milli turda iştirak etmək istəyən yerli startaplar 7 sentyabr 2020-ci il tarixinədək bu keçidə daxil olmaqla qeydiyyatdan keçməlidir:

https://www.aimcongress.com/roadshow/Profile/Register

Əlaqələndirici: KOBİA-nın nümayəndəsi Asif Həsənov (+994 12) 404-04-01 (daxili 241).

Milli turun qalibi KOBİA, İslam İnkişaf Bankı və İllik İnvestisiya Toplantısının təşkilat komitəsinin üzvlərindən ibarət Münsiflər Heyəti tərəfindən cari ilin 10 sentyabr tarixində onlayn formatda elan olunacaq. Qalib startap Azərbaycanı 29 oktyabr 2020-ci il tarixində Dubayda keçiriləcək Beynəlxalq Startap Yarışmasında təmsil edəcək. Dubayda təşkil olunacaq yarış bilavasitə iştirak formatında keçiriləcəyi təqdirdə milli təmsilçinin bütün xərcləri İslam İnkişaf Bankı tərəfindən qarşılanacaq. Beynəlxalq Startap Yarışmasında 5 qalib seçiləcək və onların hər birinə 10 min ABŞ dolları məbləğində mükafat veriləcək.

Ümumilikdə Beynəxlaq Startap Yarışmasında dünyanın 80 ölkəsindən startapların iştirakı nəzərdə tutulur.