Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq
Azərbaycan - Birləşmiş Ərəb Əmirlikləri Birgə Biznes Şurasının həmsədrlərinin ilk iclası keçirilib Enerji səmərəliliyi ilə əlaqəli enerji istehlak edən qurğu və avadanlıqlara dair texniki reqlament layihələri ictimai dinləmə və müzakirəyə çıxarılacaq Zəfər Gününə həsr olunmuş tədbir keçirilib Yanacaqlar, mayeləşdirilmiş qazlar və qazla işləyən avadanlıqların təhlükəsizliyinə dair bir sıra texniki reqlament layihələrinin ictimai müzakirəsi keçirilib Saatlı rayonunda sahibkarlarla görüş keçirilib Ədliyyə Nazirliyi və KOBİA biznes assosiasiyalarla görüş keçirib Klasterləşmə, bu modelin sahibkarlıq və investisiya mühiti üçün əhəmiyyəti Zəfər Gününə həsr olunmuş intellektual yarış keçirilib Yanacaq və qaz yanacağı ilə işləyən qurğu və avadanlıqların təhlükəsizliyinə dair texniki reqlament layihələri ictimai dinləmə və müzakirəyə çıxarılacaq KOB klasterin iştirakçısı olmaq istəyən KOB subyektlərinin nəzərinə!
Azərbaycan-Vyetnam Biznes Şurası yaradılır 08.05.25
Azərbaycan-Vyetnam Biznes Şurası yaradılır

Azərbaycan-Vyetnam Biznes Şurasının yaradılmasına dair KOBİA və VINEN arasında Anlaşma Memorandumu imzalanıb.

Azərbaycan və Vyetnam iş adamları arasında əlaqələrin daha da inkişaf etdirilməsi məqsədilə Biznes Şura yaradılır. Vyetnam Kommunist Partiyasının Mərkəzi Komitəsinin Baş katibi To Lamın Azərbaycana səfəri çərçivəsində “Bakı KOB evi”ndə Kiçik və Orta Biznesin İnkişafı Agentliyi (KOBİA) və Vyetnam Sosialist Respublikasının Milli Sahibkarlıq Assosiasiyası (VINEN) arasında Azərbaycan-Vyetnam Biznes Şurasının yaradılmasına dair Anlaşma Memorandumu imzalanıb. 

Sənədi KOBİA-nın İdarə Heyətinin sədri Orxan Məmmədov və VINEN-in prezidenti Dinh Viet Hoa imzalayıblar. 

Azərbaycan-Vyetnam Biznes Şurası hər iki ölkənin sahibkarlarının təşəbbüslərini dəstəkləyəcək, iş adamları arasında əlaqələrin qurulmasına, qarşılıqlı səfərlərin, birgə tədbirlərin təşkilinə, tərəflər arasında ticarət əlaqələrinin inkişafında faydalı ola biləcək məlumat mübadiləsinə köməklik göstərəcəkdir. İlkin mərhələdə Azərbaycan-Vyetnam Biznes Şurasının həmsədrlərinin müəyyən edilməsi və şuraya hər iki ölkədən iş adamlarının cəlb olunması istiqamətində tədbirlər həyata keçiriləcəkdir. 

KOBİA-nın İdarə Heyətinin sədri Orxan Məmmədov və VINEN-in prezidenti Dinh Viet Hoa arasında keçirilmiş görüşdə müvafiq memorandumdan irəli gələn məsələlər, eləcə də hər iki ölkənin işgüzar dairələri arasında əməkdaşlıq və bu əlaqələrin genişləndirilməsi imkanlarına dair fikir mübadiləsi aparılıb. 

VINEN-in prezidenti həmçinin, “Bakı KOB evi”nin fəaliyyəti, burada sahibkarlara göstərilən “G2B” və “B2B” xidmətlərlə tanış olub. 

Powered by Froala Editor