KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

KOBİA “Ambisiyaların artırılması və fəaliyyətə təkan: COP29 Dayanıqlı Biznes Forumu”nda təmsil olunub KOB-lar “Caspian Agro” və “İnterFood Azerbaijan” sərgilərində məhsul və xidmətlərini təqdim edir Azərbaycanda ilk dəfə süni intellektlə işləyən reklam robotu hazırlanıb KOB subyektləri haqqında məlumatlar vahid reyestrdə toplanacaq “Bakı KOB evi”ndə “Heydər Əliyev - unudulmaz lider” adlı foto-xalça sərgisi keçirilib KOB Model Müəssisəsi istehsal prosesində məhsuldarlığı və səmərəliliyi artırır Ölkə sərhədlərini aşan startaplarımız KOBİA Türkiyənin DEİK təşkilatı, eləcə də SESRİC ilə sənədlər imzalayıb Fəaliyyət göstərdiyi ərazidən asılı olmayaraq sahibkarlar istənilən KOB evinin xidmətindən yararlana bilərmi? KOBİA Əbu-Dabidə keçirilən “AİM Congress”in müvafiq panelində təmsil olunub

Azərbaycanın KOB sahəsində təcrübəsinə dair ICSB üzvləri üçün təqdimat keçirilib 27.01.22

Kiçik Biznes üzrə Beynəlxalq Şuraya (ICSB) üzv olan təşkilatlar mikro, kiçik və orta sahibkarlıq sahəsində Azərbaycan təcrübəsi barədə məlumatlandırılıb. Bu məqsədlə ICSB tərəfindən təşkil olunmuş onlayn tədbirdə Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov Agentliyin fəaliyyəti, KOB-lara göstərilən dəstək və xidmətlər barədə məlumat verib. Qeyd olunub ki, KOBİA ICSB ailəsinin üzvüdür və bu üzvlük biznes sahəsində beynəlxalq təcrübənin öyrənilməsi, müvafiq qurumlarla əməkdaşlığın genişləndirilməsi baxımından əhəmiyyətlidir. Azərbaycanın biznes mühiti və investisiya imkanları barədə məlumat əldə etmək istəyən, eləcə də yerli KOB-larla əməkdaşlıqda və birgə layihələrin icrasında maraqlı olan xarici iş adamları da KOBİA-nın xidmətlərindən faydalana bilərlər.

Tədbirdə həmçinin, KOBİA-nın dəstək və xidmətlərinə dair təqdimat keçirilib, İCSB üzvlərinin Agentliyin fəaliyyəti barədə sualları cavablandırılıb.

Qeyd edək ki, Kiçik Biznes üzrə Beynəlxalq Şura (The International Council for Small Business - ICSB) 1955-ci ildən etibarən fəaliyyət göstərir və sıralarında 90-a yaxın ölkənin müvafiq qurumlarını birləşdirir. ICSB beynəlxalq miqyasda kiçik biznesin böyüməsini və inkişafını dəstəkləyir, biznesin idarə edilməsi və sahibkarlığın inkişafı ilə bağlı yenilikləri təbliğ edir. KOBİA 2021-ci ildən təşkilatın üzvüdür.