“Bakı KOB Evi”ndə gömrüklə bağlı xidmətlərin təqdim olunduğu Beynəlxalq Ticarət, İnkişaf və Logistika Zonası və gömrük anbarı fəaliyyət göstərir. Bu sahibkarlara bütün gömrük proseslərini vahid məkanda həll etməyə imkan verir. Bakı Baş Gömrük İdarəsinin “Bakı KOB Gömrük Postu” KOB subyektlərinə sənədlərin qəbulu, bəyanetmə və məsləhət xidmətlərini vahid pəncərə prinsipi ilə təqdim edir. Həmçinin, yaşıl dəhliz statusu olan yeni nəqliyyat vasitələrinin gömrük rəsmiləşdirilməsi də burada həyata keçirilir. Gömrük anbarı isə idxal və ixrac mallarını təhlükəsiz saxlayır, ödənişlərin ertələnməsi və əlavə logistika əməliyyatları üçün əlverişli şərait yaradır. Karqo vasitəsilə gələn poçt bağlamalarının fiziki və hüquqi şəxslər üçün gömrük rəsmiləşdirilməsi də burada aparılır.
Powered by Froala Editor
