Please ensure Javascript is enabled for purposes of website accessibility
Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq
Növbəti “İnvestisiya səyahəti” tədbiri Zaqatala rayonunda keçirilib Oman və Qətərin işgüzar dairələri ilə əməkdaşlıq imkanları müzakirə edilib Dohada Azərbaycan və Qətər iş adamlarının iştirakı ilə dəyirmi masa keçirilib 6-cı qrant müsabiqəsinə layihə təqdim etmək istəyən KOB-lar üçün vebinar təşkil olunub KOB-ların məhsul və xidmətləri “Rebuild Karabakh” sərgisində 6-cı qrant müsabiqəsi barədə sualları olan KOB subyektlərinin nəzərinə! KOBİA INSME-nin İllik Toplantısında iştirak edib İstanbulda KOBİA bir sıra ölkələrin ticarət və sənaye palataları ilə əməkdaşlıq imkanlarını müzakirə edib “KOB FEST” sərgi-satış yarmarkası bu dəfə Xaçmazda KOBİA-da növbəti vətəndaş qəbulu keçirilib
Bakıda keçirilən Kiçik və Orta Sahibkarlıq üzrə Dünya Forumu çərçivəsində şagirdlərə sahibkarlığın ilkin sirləri öyrədilib 14.11.23
Bakıda keçirilən Kiçik və Orta Sahibkarlıq üzrə Dünya Forumu çərçivəsində şagirdlərə sahibkarlığın ilkin sirləri öyrədilib

“Gələcək sahibkarların hazırlanması” adlı tədbirdə şagirdlər xarici ekspertlər və yerli sahibkarlar tərəfindən biznes fəaliyyəti barədə məlumatlandırılıb.

Növbəti Kiçik və Orta Sahibkarlıq üzrə Dünya Forumu (SME World Forum 2023) Bakıda keçirilir. İqtisadiyyat Nazirliyinin dəstəyi, Kiçik və Orta Biznesin İnkişafı Agentliyinin (KOBİA) və Kiçik Biznes üzrə Beynəlxalq Şuranın (ICSB) təşkilatçılığı ilə Qlobal Sahibkarlıq Həftəsi çərçivəsində keçirilən tədbirin məqsədi kiçik və orta biznesin dəstəklənməsi və inkişafı sahəsində ən yaxşı təcrübənin öyrənilməsi, institusional tərəfdaşlığın genişləndirilməsi, maraqlı tərəflər arasında əməkdaşlıq üçün yeni imkanların müəyyən edilməsi, gənc sahibkarlığın təşviqi, eləcə də Azərbaycanın əlverişli biznes mühitini və potensial investisiya imkanlarını geniş auditoriyaya tanıtmaqdır.

13-16 noyabr tarixlərində keçiriləcək forum çərçivəsində bir sıra silsilə tədbirlər təşkil olunacaqdır. 

Kiçik və Orta Sahibkarlıq üzrə Dünya Forumu çərçivəsində ilk tədbir noyabrın 14-də “XXI Əsr Beynəlxalq Təhsil və İnnovasiya Mərkəzi”ndə keçirilib. "Gələcək sahibkarların hazırlanması” adlı tədbirdə KOBİA, ICSB və “XXI Əsr Beynəlxalq Təhsil və İnnovasiya Mərkəzi”nin nümayəndələri, 6 və 9-cu sinif şagirdləri, sahibkarlar iştirak ediblər. 

Şagirdlərə sahibkarlığın ilkin sirlərini öyrətmək məqsədilə təşkil olunan tədbir yenilikçi təhsil tədbirlərindən hesab olunur. Gələcəyin biznes liderlərinin hazırlanması üçün vacib elementləri özündə birləşdirən tədbir çərçivəsində ICSB ekspertləri tərəfindən şagirdlərə sahibkarlığın əsas anlayışları, o cümlədən marketinq, qiymət və müştərilərlə davranış barədə zəruri məlumatlar verilib. Sahibkarlıq fəaliyyətinin simulyasiya edildiyi tədbirdə həmçinin şagirdlər şərti pullardan istifadə etməklə ticarət edib, real işgüzar münasibətlərin qurulması və maliyyənin idarə edilməsini təcrübədən keçiriblər. 

Tədbirdə “XXI Əsr Beynəlxalq Təhsil və İnnovasiya Mərkəzi”nin, “Landau məktəbi”nin, “Evrika liseyi”nin, “Azərbaycan Britaniya Kolleci”nin və “Bakıda Britaniya Məktəbi”nin 100-ə yaxın şagirdi iştirak edib. 

Sonda proqramı uğurla başa çatdıran şagirdlərə ICSB tərəfindən sertifikatlar verilib.

Powered by Froala Editor