Kiçik və Orta Biznesin İnkişafı Agentliyinin (KOBİA) dəstəyi ilə Dövlət Məşğulluq Agentliyi və Azərbaycan Gənclər Fondu tərəfindən birgə həyata keçirilən “Biznesini Yarat Marafonu” layihəsinin iştirakçıları üçün təlimlər davam etdirilir.
Təlimlər Beynəlxalq Əmək Təşkilatının “Öz biznesinə başla” seminar-təlimlərinə əsasən hazırlanmış mövzular üzrə beynəlxalq və yerli müstəvidə geniş təcrübəyə malik təlimçilər tərəfindən Azərbaycanın müxtəlif bölgələrində keçirilir. Təlimi uğurla başa vuran gənclərə biznes ideyalarını reallaşdırmaq üçün Dövlət Məşğulluq Agentliyi və Gənclər Fondu tərəfindən resurs və maliyyə, fəaliyyətlərini uğurla təşkil etmələri üçün KOBİA tərəfindən mentor dəstəyi göstəriləcək.
Məlumat üçün bildirək ki, “Biznesini Yarat Marafonu”na 18-29 yaş kateqoriyasından olan 555 işsiz və ya işaxtaran gənc müraciət edib və 127 gənc təlim mərhələsində iştirak etmək haqqı qazanıb. Müraciətlər dəyərləndirilən zaman Vətən Müharibəsinin iştirakçılarına, şəhid ailələrinin üzvlərinə, eləcə də əmək qabiliyyətli əlilliyi olan gənclərə üstünlük verilib.
Powered by Froala Editor
