Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq
Şamaxıda Qida Festivalı keçirilib Ağdamda sahibkarlarla görüş keçirilib “Startap” şəhadətnaməsi almış sahibkarların sayı 25-ə çatdı Yeni fürsətlər: Qadın sahibkarlara meydan verilir Video təlim platformasından istifadə edən sahibkarların sayı artır KOBİA və İstanbul Ticarət Palatası arasında görüş keçirilib KOBİA COMCEC-in 37-ci sessiyasında COVID-19-un yerli KOB-lara təsirinin minimallaşdırılması üçün görülmüş tədbirlər barədə məlumat verdi KOBİA-nın əməkdaşları üçün təlim təşkil olunub Tikintiyə icazələrin verilməsi ilə bağlı sahibkarlarla görüş keçirilib COMCEC-in 37-ci sessiyasında COVID-19-un KOB-lara təsiri müzakirə edildi
Daşınar əmlakın yüklülüyünün dövlət reyestrinin iş prinsipi və maliyyə savadlılığının artırılmasına dair təlim keçirilib 30.08.19
Daşınar əmlakın yüklülüyünün dövlət reyestrinin iş prinsipi və maliyyə savadlılığının artırılmasına dair təlim keçirilib

Avqustun 30-da Azərbaycan Respublikasının Kiçik və Orta Biznesin İnkişafı Agentliyi (KOBİA) və Maliyyə Bazarlarına Nəzarət Palatasının birgə təşkilatçılığı, Qəbələ rayon İcra Hakimiyyətinin dəstəyi ilə Qəbələdə mikro, kiçik və orta sahibkarlıq subyektləri üçün daşınar əmlakın yüklülüyünün dövlət reyestrinin məqsədi, iş prinsipi və üstünlükləri ilə bağlı təlim keçirilib.

Sahibkarların və kredit təşkilatlarının nümayəndələrinin iştirakı ilə təşkil olunmuş tədbirdə reyestr, yüklülüyün növləri və yüklülük predmeti, sahibkarlar və maliyyə qurumları üçün faydası barədə ətraflı məlumat verilib. Bildirilib ki, daşınar əmlakın rəsmi reyestrlərində qeydiyyata alınan daşınar əşyalar və dövlət qeydiyyatına alınmalı olan qiymətli kağızlar istisna olmaqla, yüklülük predmetini istənilən daşınar əmlak, habelə hüquqlar və tələblər, o cümlədən gələcəkdə yüklülük sahibinin mülkiyyətində olacaq daşınar əmlak təşkil edə bilər. Daşınar əşyalara hər cür avadanlıqları, kənd təsərrüfatı texnikalarını, heyvanları, biznesdə istifadə olunan əşyaları aid etmək olar.

Tədbir çərçivəsində KOBİA-nın fəaliyyət istiqamətləri barədə məlumat verilib, Agentliyin fəaliyyətinin əsas məqsədinin kiçik və orta sahibkarlığın yaradılması və inkişafının bütün mərhələlərində zəruri dəstək tədbirlərinin həyata keçirilməsi olduğu bildirilib. Bu tədbirlər qabaqcıl təşkilati modellərin tətbiqi, davamlı təlim sisteminin yaradılması, yeni ideya və innovasiyaların biznesə inteqrasiyası, sahibkarların maraqlarının müdafiəsi, güzəştli maliyyə mənbələrinə çıxışın asanlaşdırılması və digər istiqamətləri əhatə edir.

Təlimdə həmçinin, sığorta bazarı, bazarın xüsusiyyətləri, sığortanın növləri haqqında təqdimatlar keçirilib.

Powered by Froala Editor