Azərbaycan Respublikası Prezidentinin 29 may 2019-cu il tarixli Fərmanından irəli gələn tapşırığa əsasən Kiçik və Orta Biznesin İnkişafı Agentliyi (KOBİA) tərəfindən mikro, kiçik və orta sahibkarlıq subyektlərinin daxili bazar araşdırmalarına dövlət dəstəyinin göstərilməsi üçün müraciətlərin qəbuluna başlanılır.
Sahibkarlıq subyektləri maraqlı olduqları sahələr üzrə daxili bazar araşdırmalarının aparılması üçün Agentliyə müraciət edə bilərlər.
Sahibkarlara kömək məqsədilə nümunəvi ərizə forması və tələb olunan sənədlərlə bağlı məlumatlar KOBİA-nın www.smb.gov.az rəsmi internet səhifəsində yerləşdirilib (http://smb.gov.az/nav/daxili-bazar-arasdirmalari).
Əlavə məlumat üçün KOBİA-ya müraciət edə bilərsiniz (Telefon: 012-404-04-01).
Powered by Froala Editor
