KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

Sahibkarların mikro, kiçik, orta və ya iri sahibkar kimi müəyyənləşdirilməsi üçün hansı meyar əsas götürülür? Bu ilin birinci yarısında KOB evlərində sahibkarlara 200 mindən çox xidmət göstərilib KOBİA nümayəndələrinin İspaniyaya səfəri çərçivəsində bir sıra görüşlər keçirilib Yerli bizneslər ESG və “yaşıl gündəliyə” hazır olmaq üçün nə etməlidir? Mindən çox KOB subyekti, startap və biznesə başlamaq istəyən şəxsə sahibkarlıq sahəsində təlim və məsləhət xidməti göstərilib “Startap” şəhadətnaməsi kimlərə verilir? Bursa Ticarət və Sənaye Palatasının nümayəndələri ilə görüş keçirilib Daha 10 KOB subyektinə “Startap” şəhadətnaməsi verilib KOB-lar üçün yaşıl iqlim maliyyələşdirilməsinə dair iki günlük seminar keçirilib “Qarabağ KOB-ları 2024” proqramına başlanıb

Dünyada tanınmış “Miniboss Business School” layihəsi KOBİA-nın dəstəyi ilə Azərbaycanda da həyata keçiriləcək 31.08.20

Azərbaycan Respublikasının Kiçik və Orta Biznesin İnkişafı Agentliyi (KOBİA) Böyük Britaniyanın “Avropanın Biznesin İnkişafı Bürosu” Elmi Tədqiqat Mərkəzinin “Miniboss Business School” proqramının ölkəmizdə həyata keçirilməsinə dəstək göstərəcək.

Uşaq və yeniyetmələrə biznesin əsaslarını tədris edən “Miniboss Business School” proqramı Fransa, Ukrayna, Litva, Rusiya, Birləşmiş Ərəb Əmirlikləri, Filippin, İndoneziya, Bolqarıstan, Qazaxıstan və digər ölkələrdə rəsmi nümayəndəliklərə və franşiza əsasında fəaliyyət göstərən biznes məktəblərinə malikdir.

Bu biznes məktəbləri xüsusi tədris proqramı və metodologiyası 8 kursdan ibarət olmaqla biznes ideyaların inkişafı, innovasiyaların nəzəriyyəsi və praktikası, kommunikasiyalar, danışıqların aparılması, mentorinq və digər sahələrdə gənclərin bilik və bacarıqlarının artırılmasını təmin edir.

“Miniboss Business School” proqramı Azərbaycanda da uşaqların, yeniyetmə və gənclərin erkən yaşlarda biznes və sahibkarlıq sahəsində ilkin bilik və bacarıqlara yiyələnməsində əhəmiyyətli olacaqdır (https://baku.miniboss-school.com/).

Ölkəmizdə sahibkar düşüncə tərzinin inkişaf etdirilməsi, ömürboyu öyrənmək və milli profilli sahibkarlıq mədəniyyətinin formalaşdırılması istiqamətində müxtəlif tədris proqramlarının və dərsliklərin hazırlanması, digər tədbirlərin reallaşdırılması prosesində iştirak edən KOBİA “Miniboss Business School” proqramının yerli sahibkarlar tərəfindən həyata keçirilməsini dəstəkləyir. Agentlik həmçinin, proqram çərçivəsində biznes üzrə master-klassların, müxtəlif sahələrdə uğur qazanmış iş adamları tərəfindən mühazirələrin təşkili, tədris prosesinə qadın və gənc sahibkarların, eləcə də həssas kateqoriyadan olan sahibkarların cəlb edilməsinə dəstək göstərəcəkdir.