KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

Şəkidə keçirilən “KOB FEST” sərgi-satış yarmarkasında 70-dən çox KOB subyektinin məhsul və xidmətləri sərgilənir Sahibkarların iştirakı ilə ətraf mühiti idarəetmə sistemlərinə dair tədbir keçirilib Sahibkarların mikro, kiçik, orta və ya iri sahibkar kimi müəyyənləşdirilməsi üçün hansı meyar əsas götürülür? Bu ilin birinci yarısında KOB evlərində sahibkarlara 200 mindən çox xidmət göstərilib KOBİA nümayəndələrinin İspaniyaya səfəri çərçivəsində bir sıra görüşlər keçirilib Yerli bizneslər ESG və “yaşıl gündəliyə” hazır olmaq üçün nə etməlidir? Mindən çox KOB subyekti, startap və biznesə başlamaq istəyən şəxsə sahibkarlıq sahəsində təlim və məsləhət xidməti göstərilib “Startap” şəhadətnaməsi kimlərə verilir? Bursa Ticarət və Sənaye Palatasının nümayəndələri ilə görüş keçirilib Daha 10 KOB subyektinə “Startap” şəhadətnaməsi verilib

Enactus Dünya Kubokunda Azərbaycanı bu komanda təmsil edəcək 27.08.21

Azərbaycan Respublikasının Gənclər Fondu, Kiçik və Orta Biznesin İnkişafı Agentliyi (KOBİA), Azərbaycan Tələbə Gənclər Təşkilatları İttifaqı, "Gənclərin Maarifləndirilməsinə Dəstək" İctimai Birliyi və “Enactus Azərbaycan”ın birgə tərəfdaşlığı və bp Azərbaycan şirkətinin baş sponsorluğu ilə keçirilən “2021 Enactus Azərbaycan Milli Yarışı” yekunlaşıb.

Bakı Ali Neft Məktəbi çempionatın qalibi seçilib. Sumqayıt Dövlət Universitetinin komandası 2-ci, Azərbaycan Dövlət İqtisad Universitetinin komandası isə 3-cü yerə layiq görülüb.

Qalib komandalar mükafatlandırılıb.

Qalib komanda Azərbaycanı 14-21 oktyabr tarixlərində keçiriləcək Enactus Dünya Kubokunda təmsil edəcək.

Qeyd edək ki, “2021 Enactus Azərbaycan Milli Yarışı”nın yarımfinal mərhələsi avqustun 25-də keçirilib və münsiflər heyəti tərəfindən 4 komanda - Bakı Ali Neft Məktəbi, Bakı Dövlət Universiteti, Azərbaycan Dövlət İqtisad Universiteti və Sumqayıt Dövlət Universiteti final mərhələsinə vəsiqə qazanıb. Avqustun 26-da keçirilən final mərhələsində komandalar “Enactus Azərbaycan”ın İdarə Heyətinin üzvləri qarşısında layihələrini təqdim edib və onların suallarını cavablandırıblar.

Enactus gələcək nəsil təşəbbüskar liderləri və sosial yenilikçiləri yetişdirən dünyanın ən böyük təcrübə öyrənmə platformasıdır. Bu məqsədlərə çatmaq üçün Enactus gənclərə nəzəri biliklərini praktikada tətbiq etməyə, biznes, təhsil və sosial layihələrini həyata keçirməyə şərait yaradır, sahibkarlığı təbliğ edir. Hazırda 35-ə yaxın ölkəni təmsil edən komandalar hər il keçirilən Enactus Dünya Kubokunda öz ölkələrini və universitetlərini təmsil edirlər.