Azərbaycan Respublikasının Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov EY Azərbaycan şirkətinin idarəedici partnyoru İlqar Vəliyev ilə görüşüb.
Görüşdə EY Azərbaycanın təşkilatçılığı və KOBİA-nın tərəfdaşlığı ilə ölkəmizdə keçirilən “EY İlin İş Adamı” müsabiqəsinin nəticələrinə dair tədbirə hazırlıq işləri, eləcə də KOB sahəsində əməkdaşlıq imkanları müzakirə olunub. Qeyd edilib ki, dünyanın 60-dan çox ölkəsində keçirilən müsabiqə yüksək potensiala malik iş adamlarının sahibkarlıq fəaliyyətini təşviq edir, uğurlarını və təcrübəsini digərləri ilə bölüşməsinə imkan yaradır. Müsabiqənin milli mərhələsi üzrə nəticələr yaxın günlərdə açıqlanacaq. Qalib KOB subyekti ölkəmizi Monte Karloda keçiriləcək “EY World Entrepreneur of the Year” müsabiqəsində təmsil edəcəkdir.
Powered by Froala Editor
