KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

Fermerlərə dəstəklə bağlı tədbir keçirilib “Heydər Əliyev və özəl tibb sektoru” mövzusunda tədbir keçirilib KOB subyektlərinin layihələrinin maliyyələşdirilməsi üçün elan edilmiş 4-cü qrant müsabiqəsinin nəticələri açıqlandı Biznes layihələr və ideyalar bir platformada - www.invest.smb.gov.az KOBİA tərəfindən növbəti ictimai müzakirə təşkil olunub Azərbaycan startapı dünyanın nüfuzlu təhsil layihələri yarışmasında Yerli şirkətlərin halal məhsulları İstanbulda keçirilən “Halal Ekspo” sərgisində nümayiş olunur Gəncədə sahibkarlarla görüş keçirilib “Bakı KOB evi”ndə sahibkarlara daha çox xidmət göstərən qurumlar məlum oldu Yevlax və Şərurda sahibkarlarla görüşlər keçirilib

Gəncədə sənətkarlıq və yaradıcılıq sərgi-yarmarkası keçirilib 06.11.23

100-ə yaxın sənətkarın və yaradıcı şəxsin əl işlərinin nümayiş olunduğu “Gəncəsənət - Payız çalarları” incəsənət, sənətkarlıq və yaradıcılıq sərgi-yarmarkası həm də yaradıcı şəxsləri sahibkarlıq fəaliyyətinə təşviq edib.

Gəncə şəhərində Gəncə-Daşkəsən Regional Mədəniyyət İdarəsinin təşkilatçılığı, Kiçik və Orta Biznesin İnkişafı Agentliyi (KOBİA), Gəncə Regional Turizm İdarəsi, Gəncə-Daşkəsən Regional Məşğulluq filialı və Gəncə İctimai İştirakçılıq Məclisinin dəstəyi ilə “Gəncəsənət - Payız çalarları” incəsənət, sənətkarlıq və yaradıcılıq sərgi-yarmarkası keçirilib.

Gəncə Filarmoniya Bağı və Urban Mərkəzində təşkil olunmuş sərgi-yarmarkada regionda fəaliyyət göstərən 100-ə yaxın sənətkarın və yaradıcı şəxsin əl işləri nümayiş olunub.

Qeyd edək ki, sərgi-yarmarkanın təşkilində məqsəd sənətkarlıq məhsullarının satışına və bu sahədə alıcılıq qabiliyyətinin artırılmasına dəstək olmaq, regionun sənətkarlıq nümunələrinin tanıdılması, qədim sənət ənənələrinin dirçəldilməsi və şəhərin mədəni həyatının canlandırılması, eləcə də yaradıcılıqla məşğul olan sənətkarlar və alıcılar arasında əlaqələrin qurulması və inkişaf etdirilməsi, yaradıcı şəxslərin sahibkarlıq fəaliyyətinə təşviq edilməsi olub.