KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

"Recepta" startapının uğur hekayəsi Atmosfer havasının mühafizəsi ilə bağlı sənaye və ictimai iaşə sahəsində fəaliyyət göstərən sahibkarlarla görüş keçirilib Şamaxı, Yardımlı və Qazaxda sahibkarlarla görüşlər keçirilib Sürücülər üçün yeni “Avto-SOS” mobil tətbiqi hazırlanıb 60-a yaxın KOB subyektinin məhsul və xidmətlərinin satışına dəstək göstərilib “Qarabağ KOB-ları” proqramı çərçivəsində Bərdədə təlimlər başlayır Qəbələ rayonunda arıçılarla görüş keçirilib “Bakı KOB evi”ndə yeni xidmət Sahibkarların müraciətləri dinlənilib Naxçıvanda fəaliyyət göstərən qadın sahibkarlarla görüş keçirilib

Gənclər Günü ilə bağlı Kiçik və Orta Biznesin İnkişafı Agentliyində tədbir keçirilib 02.02.19

2 fevral – Gənclər Günü ilə əlaqədar Azərbaycan Respublikasının Kiçik və Orta Biznesin İnkişafı Agentliyində tədbir keçirilib.

Agentliyin əməkdaşlarının və könüllü gənclərin iştirakı ilə təşkil olunmuş tədbirdə qurumun İdarə Heyəti sədrinin müavini Nadir Adilov bu günün Ümummilli Liderimiz Heydər Əliyevin 2 fevral 1997-ci il tarixli Sərəncamı ilə təsdiq edildiyini və Ulu Öndərin gənclərə diqqət və qağısının göstəricisi olduğunu vurğulayıb. Qeyd edilib ki, bu siyasətin Azərbaycan Respublikasının Prezidenti cənab İlham Əliyev tərəfindən uğurla davam etdirilməsi nəticəsində üç dövlət proqramı qəbul edilib, gənclər təhsil üçün xarici ölkələrin aparıcı universitetlərinə göndərilib, Azərbaycan Respublikasının Prezidenti yanında Gənclər Fondu və digər dövlət dəstək mexanizmləri vasitəsilə istedadlı gənclərə və onların layihələrinə dəstək göstərilib, "Gənclər ev”ləri yaradılıb. Dövlət başçısının gənclərin hərtərəfli inkişafına göstərdiyi diqqət və qayğı nəticəsində bu gün Azərbaycan gəncləri ölkənin ictimai-siyasi, sosial-iqtisadi və mədəni həyatında fəal iştirak edir, Azərbaycanın inkişafına öz töhfələrini verirlər.

Bildirilib ki, Azərbaycanda könüllülər hərəkatı geniş vüsət alıb. KOBİA-da da “KOB Könüllüləri” Proqramı həyata keçirilir, Könüllü Şurası fəaliyyət göstərir, könüllü gənclərlə mütəmadi olaraq görüşlər təşkil olunur. Hazırda Agentlikdə və qurumun regionlardakı KOB dostları ilə birlikdə 20-ə yaxın könüllü fəaliyyət göstərir. Gələcəkdə Agentlikdə könüllülük fəaliyyətinin daha da genişləndirilməsi, bu istiqamətdə bir sıra layihələrin reallaşdırılması nəzərdə tutulur.

Sonra Agentlikdə fəaliyyət göstərən könüllü gənclər səmərəli fəaliyyətlərinə görə diplomlarla təltif olunub, Masallı “KOB Dostu” ilə birlikdə fəaliyyət göstərən könüllü isə ayın könüllü gənci seçilib.