![Goranboyda sahibkarlarla növbəti görüş keçirilib](https://smb.gov.az/storage/5808/1.jpg)
Kiçik və Orta Biznesin İnkişafı Agentliyinin (KOBİA) təşkilatçılığı ilə Goranboy rayonunda kənd təsərrüfatı məhsullarının istehsalı ilə məşğul olan sahibkarlarla görüş keçirilib. Mövcud dövlət dəstəyi mexanizmləri ilə bağlı sahibkarların məlumatlandırılması məqsədilə təşkil olunmuş görüşdə Goranboy rayon İcra Hakimiyyətinin, KOBİA-nın, Azərbaycan Sahibkarlar Konfederasiyasının nümayəndələri iştirak ediblər.
Tədbirdə aqrar sahədə sahibkarlığın inkişaf etdirilməsi, fermer və kənd təsərrüfatı məhsullarının istehsalçılarının fəaliyyət imkanlarının genişləndirilməsi məqsədi ilə dövlət tərəfindən göstərilən dəstək tədbirləri barədə müzakirələr aparılıb, sahibkarları maraqlandıran suallar cavablandırılıb.
Powered by Froala Editor