KOBİA yanında İctimai Şuranın təşəbbüsü ilə keçirilən görüşdə idxal-ixrac əməliyyatları zamanı sahibkarların qarşılaşdıqları çətinliklər müzakirə edilib.
Kiçik və Orta Biznesin İnkişafı Agentliyi (KOBİA) yanında İctimai Şuranın təşəbbüsü ilə “Bakı KOB evi”ndə dövlət-sahibkar əməkdaşlığı platforması çərçivəsində növbəti görüş “İdxal-ixrac əməliyyatları sahəsində problemlər və perspektivlər” mövzusunda təşkil edilib.
Görüşdə İqtisadiyyat Nazirliyinin, Dövlət Gömrük Komitəsinin və KOBİA-nın nümayəndələri, eləcə də biznes assosiasiyalara üzv olan 25-ə yaxın sahibkarlıq subyekti iştirak edib.
Tədbirdə idxal-ixrac əməliyyatları zamanı sahibkarlıq subyektlərinin qarşılaşdıqları çətinliklər barədə səsləndirilən suallar aidiyyəti üzrə cavablandırılıb, idxal-ixrac əməliyyatları üzrə prosedurların sadələşdirilməsinə və elektronlaşdırılmasına dair gözlənilən yeniliklər barədə məlumat verilib.
Powered by Froala Editor
