KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

Şəkidə keçirilən “KOB FEST” sərgi-satış yarmarkasında 70-dən çox KOB subyektinin məhsul və xidmətləri sərgilənir Sahibkarların iştirakı ilə ətraf mühiti idarəetmə sistemlərinə dair tədbir keçirilib Sahibkarların mikro, kiçik, orta və ya iri sahibkar kimi müəyyənləşdirilməsi üçün hansı meyar əsas götürülür? Bu ilin birinci yarısında KOB evlərində sahibkarlara 200 mindən çox xidmət göstərilib KOBİA nümayəndələrinin İspaniyaya səfəri çərçivəsində bir sıra görüşlər keçirilib Yerli bizneslər ESG və “yaşıl gündəliyə” hazır olmaq üçün nə etməlidir? Mindən çox KOB subyekti, startap və biznesə başlamaq istəyən şəxsə sahibkarlıq sahəsində təlim və məsləhət xidməti göstərilib “Startap” şəhadətnaməsi kimlərə verilir? Bursa Ticarət və Sənaye Palatasının nümayəndələri ilə görüş keçirilib Daha 10 KOB subyektinə “Startap” şəhadətnaməsi verilib

İşğaldan azad edilmiş ərazilərin bərpası və yenidənqurulması prosesində iş adamlarının iştirakına dair müzakirələr aparılıb 14.10.21

Azərbaycan-Türkiyə İş Adamları Birliyinin təşkilatçılığı, Kiçik və Orta Biznesin İnkişafı Agentliyinin (KOBİA) iştirakı ilə Vətən müharibəsindəki qələbəmizə həsr olunmuş işgüzar nahar təşkil edilib. Qazilərin və biznes dairələrin nümayəndələrinin iştirakı ilə keçirilmiş tədbirdə Qarabağın bərpası və yenidənqurulması prosesində iş adamlarının iştirakına və orada yaradılacaq iş imkanlarına dair fikir mübadiləsi aparılıb.

Tədbirdə çıxış edən KOBİA-nın İdarə Heyətinin sədri Orxan Məmmədov qeyd edib ki, Qarabağ regionunun yenidənqurulması, eləcə də biznes potensialının reallaşdırılması istiqamətində aparılan işlərə özəl sektorun cəlb edilməsi əhəmiyyətlidir. Vurğulanıb ki, özəl sektorun prosesdə iştirakı dövlət investisiya xərclərinin azaldılması, habelə alternativ və şaxələndirilmiş maliyyələşmə mexanizmləri vasitəsilə yerli və xarici sərmayələrin cəlb edilməsi baxımından faydalı ola bilər. Eyni zamanda işğaldan azad edilmiş ərazilərdə həyata keçiriləcək bərpa və yenidənqurma işlərində özəl sektorun innovativ texnoloji yanaşmasının və effektiv idarəetmə təcrübəsinin tətbiqi, həyata keçiriləcək iş və xidmətlərin səmərəliliyinin və keyfiyyətinin yüksəldilməsinə imkan verəcəkdir. KOBİA Azərbaycan dövlətinin Qarabağa dair inkişaf konsepsiyasına uyğun olaraq, işğaldan azad edilmiş ərazilərə investisiya qoyuluşu və biznes layihələrinin reallaşdırılması ilə bağlı məsələləri qarşıdakı dövrdə strateji fəaliyyət gündəliyinin prioritet istiqamətlərindən birinə çevirmişdir. Hazırda işğaldan azad edilmiş ərazilərimizdə biznes qurmaq istəyən sahibkarlar biznes layihələrini KOBİA-ya təqdim edir. Bu layihələr ticarət, xidmət, inşaat, sənaye, kənd təsərrüfatı, təhsil və s. sahələrini əhatə edir. İşğaldan azad edilmiş ərazilərdə fəaliyyət KOB subyektlərinə bir sıra imtiyazlar verməklə yanaşı, həm də bölgənin iqtisadi potensialının reallaşdırılması istiqamətində mühüm biznes layihələrin icrasına şərait yaradacaqdır.