KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

Naxçıvanda fəaliyyət göstərən qadın sahibkarlarla görüş keçirilib KOBİA yanında daimi fəaliyyət göstərən Koordinasiya Qrupunun ilk iclası keçirilib “Mübahisələrin həlli, məhkəmə sistemi və hüququn aliliyi” işçi qrupunun sahibkarlıq subyektləri ilə görüşü keçirilib Gəncədə keçirilmiş "KOB FEST" sərgi-satış yarmarkası Daha 3 KOB subyektinə “Startap” şəhadətnaməsi verilib Azərbaycanda maliyyəçilər üçün yeni startap məhsulu hazırlanıb “Bakı KOB evi” – sahibkarların doğma ünvanı Süni intellekt əsasında SMM platforması KOB subyektlərinin işini asanlaşdıran təşəbbüs – “Bakı KOB evi”ndə gömrük fəaliyyəti “Yaşıl iqtisadiyyat”a keçidə dəstək məqsədilə Memorandum imzalanıb

İstehsal et, təbiətə zərər vermə! 29.04.23

Abşeron Milli Parkında keçirilən mikro və kiçik sahibkarların sərgi-satış yarmarkasının məqsədi ekoloji cəhətdən dayanıqlı iqtisadi inkişafa nail olunması prinsiplərinə diqqət yönəltmək, “yaşıl iqtisadiyyat”, istehsal prosesində sıfır tullantı texnologiyalarının tətbiqi, milli parklarda təbiətə zərər vermədən turistlərə xidmət potensialının nümayiş olunmasıdır.

Ekologiya və Təbii Sərvətlər Nazirliyi və Kiçik və Orta Biznesin İnkişafı Agentliyinin (KOBİA) dəstəyi, KOB Subyektləri və Klublarının Assosiasiyasının (KOBSKA) təşkilatçılığı ilə Abşeron Milli Parkında "İstehsal et, təbiətə zərər vermə!" devizi ilə mikro və kiçik sahibkarların sərgi-satış yarmarkası keçirilir.

Ulu Öndər Heydər Əliyevin 100 illik yubileyinə həsr olunmuş yarmarkada 20-yə yaxın sahibkarın 100 çeşiddə məhsulu təqdim olunur.

Aprelin 28-dən start götürən sərgi-satış yarmarkasının məqsədi Ümummilli Lider Heydər Əliyev tərəfindən əsası qoyulmuş Azərbaycanın inkişaf strategiyasının prioritetlərindən olan ekoloji cəhətdən dayanıqlı iqtisadi inkişafa nail olunması prinsiplərinə bir daha diqqət yönəltmək, “yaşıl iqtisadiyyat”, təbiətə həssaslıq, istehsal prosesində sıfır tullantı texnologiyalarının tətbiqi kimi ideyaların təbliğidir. Tədbir, həmçinin, dövlət-özəl sektor münasibətlərinin qarşılıqlı tərəfdaşlıq müstəvisində möhkəmlənməsi, milli parklarda təbiətə zərər vermədən turistlərə xidmət potensialının nümayiş olunması və xidmət sektoruna sahibkarlıq subyektlərinin cəlb edilməsi kimi məqsədləri özündə ehtiva edir.

Aprelin 29-da sərgi-satış yarmarkasının açılışına həsr olunmuş tədbirdə ekologiya və təbii sərvətlər nazirinin müavini Rauf Hacıyev və KOBİA-nın İdarə Heyətinin sədri Orxan Məmmədov çıxış edərək tədbirlə bağlı fikirlərini bölüşüblər.

Qeyd edək ki, sərgi-satış yarmarkası aprelin 30-dək saat 11.00-dan 17.00-dək ziyarətçilər üçün açıq olacaq. Hər həftənin şənbə və bazar günləri Abşeron Milli Parkına "Koroğlu metrosu - Abşeron Milli Parkı" marşrutu üzrə avtobus (saat 10:30 çıxış, 16:30 qayıdış) fəaliyyət göstərir. Yarmarkanı ziyarət etmək istəyənlər bu xidmətdən istifadə edə bilərlər. Əlavə edək ki, həmçinin, tədbir çərçivəsində at və fayton gəzintisi, Şahdili turu, ustad dərsləri və digər əyləncəli tədbirlər təşkil edilir.