KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

Fermerlərə dəstəklə bağlı tədbir keçirilib “Heydər Əliyev və özəl tibb sektoru” mövzusunda tədbir keçirilib KOB subyektlərinin layihələrinin maliyyələşdirilməsi üçün elan edilmiş 4-cü qrant müsabiqəsinin nəticələri açıqlandı Biznes layihələr və ideyalar bir platformada - www.invest.smb.gov.az KOBİA tərəfindən növbəti ictimai müzakirə təşkil olunub Azərbaycan startapı dünyanın nüfuzlu təhsil layihələri yarışmasında Yerli şirkətlərin halal məhsulları İstanbulda keçirilən “Halal Ekspo” sərgisində nümayiş olunur Gəncədə sahibkarlarla görüş keçirilib “Bakı KOB evi”ndə sahibkarlara daha çox xidmət göstərən qurumlar məlum oldu Yevlax və Şərurda sahibkarlarla görüşlər keçirilib

Kiçik və Orta Biznesin İnkişafı Agentliyi və UNEC arasında Anlaşma Memorandumu imzalanıb 21.11.18

İqtisadiyyat Nazirliyinin tabeliyində Kiçik və Orta Biznesin İnkişafı Agentliyi kiçik və orta biznesin inkişafı istiqamətində aidiyyəti qurumlar, ictimai təşkilatlar və təhsil müəssisələri ilə əməkdaşlığın qurulması istiqamətində tədbirlərini davam etdirir.

Nazirlikdən Trend-ə verilən məlumata görə, noyabrın 21-də Kiçik və Orta Biznesin İnkişafı Agentliyi (KOBİA) və Azərbaycan Dövlət İqtisad Universiteti (UNEC) arasında əməkdaşlığa dair Anlaşma Memorandumu imzalanıb.

Anlaşma Memorandumuna əsasən, tərəflər elmi yeniliklərin biznesə inteqrasiyası, innovativ təşəbbüslərin dəstəklənməsi, kiçik və orta biznes subyektlərinin tələbatına uyğun ixtisaslar üzrə təhsil proqramları və metodiki vəsaitlərin hazırlanması, UNEC tələbələrinin praktiki biliklərə yiyələnməsi sahəsində əməkdaşlıq edəcəklər.

Bununla bağlı keçirilmiş tədbirdə UNEC-in rektoru Ədalət Muradov iqtisadi sahədə fəaliyyət göstərən qurumlar və təhsil müəssisəsi arasında əlaqələrin genişləndirilməsinin əhəmiyyətini qeyd edib, imzalanmış sənədin iki qurum arasında müvafiq sahədə əməkdaşlığın həyata keçirilməsində önəmini diqqətə çatdırıb.

Kiçik və Orta Biznesin İnkişafı Agentliyinin İdarə Heyətinin sədri Orxan Məmmədov bildirib ki, Agentliyin fəaliyyəti bir çox istiqamətlərdə elm və tədris mərkəzləri ilə qarşılıqlı fəaliyyətə əsaslanır və imzalanmış memorandum iki qurum arasında əməkdaşlığın konkret istiqamətlərini və formalarını müəyyən edərək geniş əməkdaşlıq platforması yaradır. Vurğulanıb ki, KOBİA və UNEC əməkdaşlığı çərçivəsində universitetin elmi araşdırma mərkəzlərinin potensialından istifadə olunacaq, innovasiyalar sahəsində sahibkarlığın dəstəklənməsinin təşkilati modellərinin yaradılması və səmərəli fəaliyyətinin təmin olunması, elmi yeniliklərin biznesə inteqrasiyası istiqamətində tədbirlər həyata keçiriləcək, kiçik və orta biznesin tələbatına uyğun olaraq, müvafiq ixtisaslar üzrə müasir təhsil proqramları və metodiki vəsaitlərin hazırlanmasında birgə iştirak təmin olunacaq, UNEC tələbələrinin praktiki biliklərə yiyələnməsi diqqət mərkəzində saxlanılacaqdır.