Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq
"Şəhərsalma iqtisadi katalizator kimi” mövzusunda interaktiv sessiya keçirilib KOBİA və SEBRAE qadın sahibkarlığına dair müzakirələr aparıb İnnovasiya və startap müsabiqəsi: 57 ölkədən startapçılar Bakıda bir araya gəlir Hər bir biznes fəaliyyəti üçün dövlətdən lisenziya alınmalıdır? KOB-ların satış imkanlarını genişləndirən dəstək alətləri Startaplar üçün İnnovasiya və Startap Müsabiqəsi elan olunur! Hansı strateji sahələrə investisiya təşviqi sənədi verilir? Cari ilin I rübündə sahibkarlara 16 “Startap” şəhadətnaməsi verilib Asiya İnkişaf Bankının nümayəndələri “Bakı KOB evi”ndə olub Klasterləşmə – sahibkarlar üçün imkanlar və perspektivlər
“KOB Fest” sərgi-satış yarmarkalarında 500-dən çox KOB subyektinin iştirakı təmin edilib 12.08.22
“KOB Fest” sərgi-satış yarmarkalarında 500-dən çox KOB subyektinin iştirakı təmin edilib

Kiçik və Orta Biznesin İnkişafı Agentliyinin (KOBİA) təşkilatçılığı ilə ölkənin 7 rayonunda təşkil olunmuş “KOB Fest” sərgi-satış yarmarkalarında 500-dən çox mikro, kiçik və orta sahibkar iştirak edib. Bakı, Şəmkir, Gəncə, Lənkəran, Sumqayıt, Quba və Şəkidə keçirilmiş “KOB Fest” sərgi-satış yarmarkalarında iştirak etmiş KOB subyektlərinin 80%-dən çoxunu mikro sahibkarlar təşkil edib. Yarmarkalarda ümumilikdə 1000-dən çox adda kənd təsərrüfatı, sənaye, tekstil, un məmulatları, hazır qida, eləcə də sənətkarların və yaradıcı şəxslərin əl işləri təqdim edilib və satılıb. Yarmarkalarda yerli istehsal ilə yanaşı, müxtəlif sahələrdə xidmət göstərən KOB subyektlərinin xidmətləri təqdim olunub, müxtəlif sahələr üzrə master-klasslar, mədəni-əyləncəli proqram təşkil edilib. 

 

Yarmarkalarda sosial həssas kateqoriyaya aid şəxslərin iştirakı da təmin edilib. 

 

“KOB Fest” sərgi-satış yarmarkalarının təşkilində məqsəd mikro və kiçik sahibkarlar tərəfindən istehsal olunan məhsulların satışına dəstək olmaq, yerli məhsulların tanıdılması, eləcə də istehsalçılar və təchizatçılar arasında əlaqələrin genişləndirilməsidir. 



Powered by Froala Editor