Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq
Sahibkarların müraciətləri dinlənilib “KOB könüllüləri” proqramına maraq artmaqda davam edir Biznes tərəfdaşlığı proqramı çərçivəsində təlimlər keçirilir Bu ilin ötən dövründə 35 “Startap” şəhadətnaməsi verilib Vergi güzəştləri ilə böyüyən startaplar: “BillKill” və “OnWay” Qəbələ və İsmayıllı rayonlarında fəaliyyət göstərən sahibkarların nəzərinə! Biznesə xidmət sahəsində innovativ model kimi KOB evlərinə maraq artır “Qarabağ KOB-ları 2026” layihəsi üzrə daha 55 nəfər təlimlərə cəlb olunub Cari ilin I yarısında KOB evlərində sahibkarlara 312 mindən çox xidmət göstərilib ELAN
KOB könüllüləri “Qarabağ üçün əl-ələ” ASAN İnnovativ Həllər Hakatonunda 2-ci yerin qalibi olub 04.11.23
KOB könüllüləri “Qarabağ üçün əl-ələ” ASAN İnnovativ Həllər Hakatonunda 2-ci yerin qalibi olub

Azərbaycan könüllüləri arasında 8 noyabr - Zəfər Gününə həsr olunmuş “Qarabağ üçün əl-ələ” adlı ASAN İnnovativ Həllər Hakatonu təşkil edilib.

“Azərbaycan Könüllü Təşkilatları İttifaqı” və “ASAN Könüllüləri" Təşkilatının birgə təşkilatçılığı ilə keçirilən tədbir Qarabağın yenidən qurulması istiqamətində könüllülərin, gənclərin yeni ideya və həllərini ortaya çıxarmaq, onları bir araya gətirmək məqsədilə təşkil olunub. 

Hakatonda 15 könüllü və gənclər təşkilatını təmsil edən 60 könüllü, o cümlədən Kiçik və Orta Bizensin İnkişafı Agentliyinin (KOBİA) KOB könüllüləri iştirak ediblər.

Hakaton çərçivəsində könüllülər bir sıra mərkəzlərin fəaliyyəti ilə tanış olub, sahə üzrə ekspertlərin iştirakı ilə keçirilən panel görüşlər və təlimlərdə iştirak ediblər. 

Könüllülər həmçinin Qarabağın yenidən qurulması istiqaməti üzrə ideya müsabiqəsinə qatılıblar. KOB könüllülərinin “Qarabağ atları” (“Karabakh horse”) layihəsi müsabiqədə 2-ci yerə layiq görülüb. Layihə Qarabağ atlarının təbliğinə, özünüməşğulluğa və yerli məhsulların satışına dəstək üzrə 3 komponenti özündə birləşdirən mobil tətbiqin yaradılmasını nəzərdə tutur. 

Müsabiqədə I yerin qalibi “SOCAR könüllüləri”, III yerin sahibi isə “RİİB könüllüləri” olub. Qaliblərə sertifikatlar və pul mükafatı verilib, təlim paketləri hədiyyə olunub. 

Powered by Froala Editor