Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq
KOB klaster şirkətləri sahibkarlar üçün yeni əməkdaşlıq imkanları yaradır Biznes müqavilələri Məqsədimiz “NooshCard”ı ölkə üzrə şirkətlər üçün standart həllə çevirməkdir – MÜSAHİBƏ Sahibkarların müraciətləri dinlənilib “KOB könüllüləri” proqramına maraq artmaqda davam edir Biznes tərəfdaşlığı proqramı çərçivəsində təlimlər keçirilir Bu ilin ötən dövründə 35 “Startap” şəhadətnaməsi verilib Vergi güzəştləri ilə böyüyən startaplar: “BillKill” və “OnWay” Qəbələ və İsmayıllı rayonlarında fəaliyyət göstərən sahibkarların nəzərinə! Biznesə xidmət sahəsində innovativ model kimi KOB evlərinə maraq artır
KOB-lar I Sənətkarlıq Festivalında iştirak edir 04.07.19
KOB-lar I Sənətkarlıq Festivalında iştirak edir

Azərbaycan Respublikasının Kiçik və Orta Biznesin İnkişafı Agentliyi (KOBİA) UNESKO-nun Ümumdünya İrs Komitəsinin 43-cü sessiyası çərçivəsində Bakıda ilk dəfə olaraq keçirilən I Respublika Sənətkarlıq Festivalında təmsil olunur.

Mədəniyyət Nazirliyinin təşkilatçılığı, KOBİA-nın tərəfdaşlığı ilə keçirilən festivalda paytaxt və regionlardan olan 100-dən çox sənətkar öz əl işlərini nümayiş etdirir.

Festivalda iştirak edən sahibkarlara Agentliyin KOB dostları tərəfindən biznesin qurulması və genişləndirilməsi üçün məsləhət xidmətləri göstərilir, KOB-lar Agentliyin fəaliyyəti, mövcud dövlət dəstəyi mexanizmləri barədə məlumatlandırılır, onlara maarifləndirici bukletlər paylanılır.

Tədbir çərçivəsində KOBİA tərəfindən sənətkarlıqla məşğul olan sahibkarların ehtiyaclarının müəyyənləşdirilməsi və bu istiqamətdə müvafiq tədbirlərin görülməsi üçün sorğuların keçirilməsi də nəzərdə tutulur.

Qeyd edək ki, I Respublika Sənətkarlıq Festivalı Azərbaycan Dövlət Gənc Tamaşaçılar Teatrının qarşısındakı meydanda təşkil olunub və iyulun 7-dək davam edəcəkdir.

Powered by Froala Editor