KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

Yerli bizneslər ESG və “yaşıl gündəliyə” hazır olmaq üçün nə etməlidir? Mindən çox KOB subyekti, startap və biznesə başlamaq istəyən şəxsə sahibkarlıq sahəsində təlim və məsləhət xidməti göstərilib “Startap” şəhadətnaməsi kimlərə verilir? Bursa Ticarət və Sənaye Palatasının nümayəndələri ilə görüş keçirilib Daha 10 KOB subyektinə “Startap” şəhadətnaməsi verilib KOB-lar üçün yaşıl iqlim maliyyələşdirilməsinə dair iki günlük seminar keçirilib “Qarabağ KOB-ları 2024” proqramına başlanıb Şəkidə keçiriləcək “KOB FEST” sərgi-satış yarmarkasında məhsul və xidmətlərini təqdim etmək istəyən KOB-ların nəzərinə! Ekoloji, sosial və idarəetmə prinsiplərinə ümumi baxış və trendlər Milli Yaylaq Festivalı çərçivəsində “KOB FEST” sərgi-satış yarmarkası keçirilir

KOB-lar “Kapital bazarları vasitəsilə maliyyələşdirmə” mövzusunda maarifləndirilib 23.08.19

Mikro, kiçik və orta biznes subyektləri üçün “ömür boyu öyrənmək” imkanlarının təmin edilməsi məqsədilə Azərbaycan Respublikasının Kiçik və Orta Biznesin İnkişafı Agentliyi (KOBİA) tərəfindən dövlət və özəl qurumlarla birgə əməkdaşlıq çərçivəsində mütəmadi olaraq təlim, seminar, treninq və bu kimi tədbirlər təşkil olunur, sahibkarlar maarifləndirilir.

Avqustun 22-də KOBİA-da konsaltinq, qida və xidmət sahələrində fəaliyyət göstərən mikro, kiçik və orta sahibkarlar, o cümlədən gənc və qadın sahibkarlar, sahibkarlıq fəaliyyətinə yeni başlayanlar üçün “Kapital bazarları vasitəsilə maliyyələşdirmə” mövzusunda seminar keçirilib.

KOBİA və Azərbaycan Respublikasının Maliyyə Bazarlarına Nəzarət Palatasının birgə təşkilatçılığı ilə keçirilən tədbirdə KOB subyektləri müasir dövrün tələblərinə uyğun innovativ sahiblik düşüncə tərzinin inkişaf etdirilməsi, alternativ maliyyə mənbələri və onlara çıxış imkanları, bu sahədə beynəlxalq təcrübə barədə məlumatlandırılıb, mövzuya dair müxtəlif təqdimatlar keçirilib.

Seminar çərçivəsində biznesin qurulması və inkişaf etdirilməsi üçün kapital ehtiyacı və mövcud maliyyələşmə mənbələri, Bakı Fond Birjasında listinqin üstünlükləri, Listinq Məsləhət Proqramına qoşulma, eləcə də mövzu ilə bağlı KOB-ları maraqlandıran digər məsələlər ətrafında müzakirələr aparılıb, sahibkarları maraqlandıran suallar cavablandırılıb.