Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq
Sahibkarlar lisenziyalar üçün KOB evlərinə müraciət edə bilərlər KOBİA nümayəndələri Türkiyədə keçirilən beynəlxalq seminarda iştirak ediblər Vergi güzəşti ilə böyüyən “InnMedia”: Çin nəhəngi ilə yeni tərəfdaşlıq müqaviləsi, ABŞ-yə dair planlar... KOBİA yanında daimi fəaliyyət göstərən Koordinasiya Qrupunun növbəti iclası keçirilib Vergi yükü azalır, hədəflər böyüyür: yerli startaplardan qlobal bazara iddialı addımlar - II HİSSƏ “Qarabağ KOB-ları 2026” layihəsi çərçivəsində növbəti peşə təlimləri başa çatıb Azərbaycanın innovativ startapları: süni intellekt, rəqəmsal transformasiya, ciddi hədəflər Sahibkarlar üçün məsləhət xidmətləri davam edir Hər bir biznes fəaliyyəti üçün lisenziya almaq lazımdırmı? Sentyabr ayında sahibkarlar üçün ödənişsiz biznes təlimlər keçiriləcək
KOB Model Müəssisəsi istehsal prosesində məhsuldarlığı və səmərəliliyi artırır 10.05.24
KOB Model Müəssisəsi istehsal prosesində məhsuldarlığı və səmərəliliyi artırır

Model Müəssisənin “Öyrən və dəyiş” təlim proqramını uğurla başa çatdıran sahibkarlıq subyektlərinə sertifikatlar verilib.

Kiçik və Orta Biznesin İnkişafı Agentliyi (KOBİA) tərəfindən Azərbaycan Texniki Universitetində yaradılmış KOB Model Müəssisəsinin “Öyrən və dəyiş” təlim proqramının birinci mərhələsini başa çatdıran şirkətlərə sertifikatlar təqdim edilib. 

Təlim proqramından işçi geyimlərin, tibbi vasitələrin, işıqlandırma və aydınlatma sistemlərinin, zəfəran və metalın istehsalı, mühəndislik fəaliyyəti ilə məşğul olan şirkətlər faydalanıb. Bu şirkətlərə istehsal prosesində istifadə edilən avadanlıqların məhsuldarlığının artırılması, vaxt itkisinin minimuma endirilməsi və əlavə xərclərin azaldılması istiqamətində təlimlər keçirilib. Təlimlər Türkiyədən dəvət olunmuş, model müəssisə sahəsində ixtisaslaşan mütəxəssislər tərəfindən tədris olunub. Həmçinin mütəxəssislər tərəfindən istehsal prosesində müəyyən edilmiş israfın qarşısının alınması məqsədilə müəssisələrdə monitorinq aparılıb və nəticələr şirkətlərə təqdim edilib.

Qeyd olunan təlimlər ödənişsiz olaraq, KOBİA tərəfindən təmin olunan dövlət dəstəyi hesabına keçirilib. 

KOB Model Müəssisəsinin “Öyrən və dəyiş” təlim proqramının birinci mərhələsinin başa çatması ilə bağlı təşkil olunmuş tədbirdə KOBİA və Türkiyədən dəvət olunmuş təlimçilər tərəfindən KOB Model Müəssisəsinin iş prosesi, təlimlərin məqsədi və faydası barədə məlumat verilib. Proqramı uğurla başa vurmuş şirkət təmsilçiləri təqdimatlarla çıxış edərək model müəssisədə öyrəndikləri və istehsal prosesində tətbiq etdikləri metodların müəssisələrində məhsuldarlığın və səmərəliliyin artırılmasında faydalı olduğunu qeyd ediblər. 

Powered by Froala Editor