Dekabrın 13-də Qətərə səfər çərçivəsində Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov bu ölkənin İnvestisiya Qurumunda, Sahibkarlar Assosiasiyasında və Birləşmiş İnkişaf Şirkətində (UDC) görüşlər keçirib.
Qətər İnvestisiya Qurumunun baş direktoru Mansour Ibrahim Al Mahmoud ilə görüşdə KOB-ların layihələrinin birgə maliyyələşdirilməsinə, ölkəmizə investisiya qoyuluşunda maraqlı olan Qətər sərmayədarlarına KOBİA-nın dəstəyinə dair müzakirələr aparılıb.
Qətər Sahibkarlar Assosiasiyasının İdarə Heyətinin sədri Faisal bin Qassim Al Thani ilə keçirilmiş görüşdə sahibkarların şəbəkələşməsi sahəsində hər iki ölkənin təcrübəsinə, Qətərin Birləşmiş İnkişaf Şirkətinin (UDC) prezidenti İbrahim Jassim Al-Othman Fakhro ilə görüşdə isə dövlət-özəl sektor tərəfdaşlığına, ağıllı şəhər və ağıllı kənd istiqamətlərində əməkdaşlıq imkanlarına dair fikir mübadiləsi aparılıb.
Powered by Froala Editor