Malayziyanın Azərbaycan Respublikasındakı fövqəladə və səlahiyyətli səfiri Dato Yubazlan Yusof Kiçik və Orta Biznesin İnkişafı Agentliyində (KOBİA) olub.
KOBİA-nın İdarə Heyətinin sədri Orxan Məmmədovla keçirilmiş görüşdə Agentliyin fəaliyyəti barədə məlumat verilib, ölkələrimiz arasında KOB sahəsində əməkdaşlığa, müvafiq sahədə və alternativ maliyyələşdirmə ilə bağlı təcrübə mübadiləsinə, KOB-ların iştirakı ilə birgə tədbirlərin təşkilinə, dövlət və özəl qurumların qarşılıqlı səfərlərinin intensivləşdirilməsinə, ticarət əlaqələrinin inkişafına dair müzakirələr aparılıb.
Səfir Dato Yubazlan Yusof ölkəsində KOB sektorunun inkişafı ilə bağlı bir sıra strukturların fəaliyyət göstərdiyini, Malayziyanın alternativ maliyyələşdirmə ilə bağlı təcrübəsinin öyrənilməsi üçün KOBİA-ya texniki dəstək göstərilə biləcəyini vurğulayıb.
Powered by Froala Editor
