Bu gün Bakıda keçirilən Azərbaycan Respublikası ilə Serbiya Respublikası arasında ticarət və iqtisadi əməkdaşlıq üzrə Hökumətlərarası Komissiyanın 6-cı iclasında Kiçik və Orta Biznesin İnkişafı Agentliyi (KOBİA) də təmsil olunub.
İclasdakı çıxışında KOBİA-nın İdarə Heyətinin sədri Orxan Məmmədov Agentliyin fəaliyyəti barədə məlumat verib, Azərbaycan və Serbiya iş adamlarının iştirakı ilə birgə müəssisələrin yaradılması və ortaq layihələrin icrası üçün potensialın olduğunu, komissiya çərçivəsində təşkil olunmuş biznes forumun biznes dairələri arasında səmərəli tərəfdaşlıqların qurulması üçün əlverişli platforma olduğunu vurğulayıb. Eyni zamanda Agentliyin KOB-lara göstərilən dəstək və xidmətlərlə bağlı ən yaxşı xarici təcrübələri öyrəndiyi və bu sahədə Serbiyanın İnkişaf Agentliyi ilə əməkdaşlıqda maraqlı olduğu diqqətə çatdırılıb.
Powered by Froala Editor
