Sentyabrın 12-də Azərbaycan Respublikasının Kiçik və Orta Biznesin İnkişafı Agentliyində (KOBİA) Biznes mühiti və beynəlxalq reytinqlər üzrə Komissiyanın işçi qruplarında təmsil olunacaq KOBİA əməkdaşları üçün məlumatlandırma tədbiri keçirilib.
İqtisadi İslahatların Təhlili və Kommunikasiya Mərkəzi tərəfindən 14 işçi qrupunda təmsil olunacaq KOBİA nümayəndələrinə ölkədə biznes və investisiya mühitinin əlverişliliyinin artırılması və beynəlxalq reytinqlərdə ölkəmizin reytinqinin daha da yaxşılaşdırılması məqsədilə yaradılmış komissiyanın və işçi qruplarının fəaliyyəti, eləcə də “azranking.az” portalı barədə məlumat verilib. Qeyd olunub ki, işçi qruplarının səmərəli fəaliyyəti, onlar tərəfindən irəli sürüləcək təklif və təşəbbüslər ölkədə sahibkarlığın inkişafı və onun rəqabət qabiliyyətinin daha da yüksəldilməsi baxımından əhəmiyyətlidir.
Tədbirdə işçi qruplara cəlb edilmiş Agentlik əməkdaşlarının təklif və fikirləri dinlənilib, onları maraqlandıran suallar cavablandırılıb.
Powered by Froala Editor
