![KOBİA Çağrı mərkəzi sektoruna işçi axtarır](https://smb.gov.az/storage/787/siqP5cTRqjXHQDNfxFyc6DTA_OTDKfnS.png)
Azərbaycan Respublikasının Kiçik və Orta Biznesin İnkişafı Agentliyi Elektron xidmətlərin təşkili departamentinin Çağrı mərkəzi sektoruna aparıcı mütəxəssis vəzifəsinə işə qəbul elan edir.
Vəzifə və öhdəliklər:
- Aidiyyəti normativ-hüquqi və təşkilatı-sərəncamverici sənədlərin tələblərinə uyğun olaraq operativ telefon məlumat xidməti göstərmək; telefon məlumat xidmətinin göstərilməsi zamanı daxil olan müraciətləri qüvvədə olan normativ hüquqi aktlara uyğun olaraq sənədin mənbəyi göstərilməklə cavablandırmaq;
- telefon məlumat xidmətinin göstərilməsi zamanı müvafiq müraciət vərəqələrini tərtib etmək;
- şikayət xarakterli müraciətlər əsasında “Müraciətçilərin şikayət vərəqəsi”ni hazırlayaraq aidiyyəti üzrə göndərilməsini təmin etmək;
- mərkəz tərəfindən operativ telefon məlumat xidmətlərinin göstərilməsinin təkmilləşdirilməsi ilə bağlı təkliflər vermək;
- agentliyin fəaliyyət istiqamətləri üzrə sahibkarlardan, vətəndaşlardan və digər şəxslərdən daxil olan müraciətlərə və sorğulara qanunvericiliyə uyğun baxılmasını təmin etmək;
- operativ telefon məlumat xidmətlərinin göstərilməsi sahəsində yerli və xarici təşkilatların təcrübəsini öyrənmək və bu sahədə fəaliyyətin təkmilləşdirilməsi istiqamətində təkliflər vermək;
- “Dövlət orqanlarında çağrı mərkəzlərinin fəaliyyətinin təşkili Qaydaları”nın təsdiq edilməsi haqqında Nazirlər Kabinetinin Qərarına uyğun olaraq fəaliyyəti həyata keçirmək;
- “Vətəndaşların müraciətləri haqqında” Azərbaycan Respublikasının Qanunununa uyğun olaraq vətəndaş müraciətlərinin cavablandırılmasını təmin etmək.
Namizədə tələblər:
- Ali təhsil tələbi: Bakalavriat səviyyəsi - iqtisadiyyat və ya idarəetmə ixtisasları qrupu;
- Azərbaycan dilində sərbəst danışmaq (xarici dil bilikləri üstünlükdür);
- Şifahi və yazılı formada özünü ifadə etmək;
- Müvafiq sahədə iş təcrübəsinin olması üstünlükdür.
Şərtlər:
Tam iş günü, iş qrafiki I-V günlər.
Göstərilən tələblərə cavab verən namizədlərdən CV-lərini mövzu yerinə “Çağrı mərkəzinin aparıcı mütəxəssisi” yazaraq 30.10.2019 tarixinə qədər hr@smb.gov.az ünvanına göndərmələri xahiş olunur. Əks halda göstərilən vakansiya üzrə müraciətlər nəzərə alınmayacaq. Yalnız tələblərə cavab verən namizədlər müsahibəyə dəvət olunacaqdır.
Powered by Froala Editor