Diasporla İş üzrə Dövlət Komitəsinin təşkilatçılığı ilə “Liderliyin İnkişafı Proqramı” çərçivəsində Bakıda səfərdə olan Almaniya, Fransa, Türkiyə, Ukrayna və Gürcüstanda Azərbaycan icmalarını təmsil edən nümayəndələr Kiçik və Orta Biznesin İnkişafı Agentliyində (KOBİA) olublar.
Görüşdə Azərbaycan diaspora təmsilçilərinə ölkəmizdə KOB sektorunun inkişafı, bu sahədə Agentliyin fəaliyyəti, KOB-lara göstərilən dəstək tədbirləri barədə məlumat verilib, xarici ölkələrdəyaşayan diaspora üzvlərinin və sahibkarların Azərbaycanda KOB sektorunun inkişafı ilə bağlı məlumatlandırılması, onların KOBİA-nın təşkilatçılığı ilə keçirilən beynəlxalq və digər tədbirlərdə iştirakı, ölkəmizdə investisiya fəaliyyətinin təşviqi, xarici ölkələrdə uğurlu KOB-ların təcrübəsinin öyrənilməsi və belə müəssisələrə tanışlıq səfərlərinin təşkili istiqamətlərində əməkdaşlıq imkanlarına dair fikir mübadiləsi aparılıb.
Powered by Froala Editor
