KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

İqtisadi Əməkdaşlıq və İnkişaf Təşkilatı KOB evi modelini qabaqcıl innovativ təcrübə kimi təqdim edib Azərbaycan və Qətər şirkətləri arasında saziş imzalanıb "Startap" şəhadətnaməsinin verilməsi barədə qərar necə qəbul olunur? “KOB FEST” sərgi-satış yarmarkası bu dəfə Gəncədə Azərbaycan və Vyetnam sahibkarları arasında görüş keçirilib Gəncə və Göygöl şəhərlərində dövlət dəstəyi ilə 15 qonaq evi yaradılıb Mingəçevir, Astara və Samuxda sahibkarlarla görüşlər keçirilib Reklam sektorunun inkişafına dair ictimai müzakirə təşkil olunub Şəkidə keçirilən “KOB FEST” sərgi-satış yarmarkasında 70-dən çox KOB subyektinin məhsul və xidmətləri sərgilənir Sahibkarların iştirakı ilə ətraf mühiti idarəetmə sistemlərinə dair tədbir keçirilib

KOBİA-da İslam Əməkdaşlıq Təşkilatının Gənclər Forumunun nümayəndələri ilə görüş keçirilib 16.11.20

Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov İslam Əməkdaşlıq Təşkilatının Gənclər Forumunun (İƏTGF) prezidenti Taha Ayhanla görüşüb.

KOBİA və İslam Əməkdaşlıq Təşkilatının Gənclər Forumu arasında birgə əməkdaşlığa dair ətraflı fikir mübadiləsinin aparıldığı görüşdə Orxan Məmmədov görüşün Azərbaycan üçün əlamətdar bir dövrə təsadüf etdiyini vurğulayıb. KOBİA sədri qonaqları Ermənistanın hərbi təxribatı nəticəsində sahibkarlıq subyektlərinə dəymiş ziyan, bu zərərin aradan qaldırılması istiqamətində Azərbaycan Respublikası Prezidentinin Sərəncamına uyğun olaraq görülən işlər, eləcə də işğaldan azad olunmuş Azərbaycan ərazilərinin zəngin iqtisadi və investisiya potensialı barədə məlumatlandırıb.

Görüşdə KOBİA-nın müxtəlif ölkələr və təşkilatlarla kiçik və orta sahibkarlıq sahəsində əməkdaşlığa böyük önəm verdiyi qeyd olunub, İƏTGF tərəfdaşlarının iştirakı ilə ölkəmizdə, xüsusilə də işğaldan azad edilmiş ərazilərdə kənd təsərrüfatı, turizm, İKT və sosial sahibkarlıq sahəhələrində layihələrin həyata keçirilməsinə, eləcə də innovasiyalar və startaplar üzrə təcrübə mübadiləsinə, gənclər arasında sahibkarlıq düşüncə tərzinin stimullaşdırılması üçün birgə maarifləndirmə tədbirlərinin, təlimlərin və proqramların həyata keçirilməsinə, KOB-ların iştirakı ilə qarşılıqlı tanışlıq səfərlərinin və biznes forumların təşkilinə dair müzakirələr aparılıb. Eyni zamanda işğaldan azad edilmiş ərazilərin investisiya imkanlarının xarici investorlara təqdim edilməsi və biznes fəaliyyətinin təşviqi məqsədilə birgə tədbirin keçirilməsi barədə razılığa gəlinib.