KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

Şəkidə keçirilən “KOB FEST” sərgi-satış yarmarkasında 70-dən çox KOB subyektinin məhsul və xidmətləri sərgilənir Sahibkarların iştirakı ilə ətraf mühiti idarəetmə sistemlərinə dair tədbir keçirilib Sahibkarların mikro, kiçik, orta və ya iri sahibkar kimi müəyyənləşdirilməsi üçün hansı meyar əsas götürülür? Bu ilin birinci yarısında KOB evlərində sahibkarlara 200 mindən çox xidmət göstərilib KOBİA nümayəndələrinin İspaniyaya səfəri çərçivəsində bir sıra görüşlər keçirilib Yerli bizneslər ESG və “yaşıl gündəliyə” hazır olmaq üçün nə etməlidir? Mindən çox KOB subyekti, startap və biznesə başlamaq istəyən şəxsə sahibkarlıq sahəsində təlim və məsləhət xidməti göstərilib “Startap” şəhadətnaməsi kimlərə verilir? Bursa Ticarət və Sənaye Palatasının nümayəndələri ilə görüş keçirilib Daha 10 KOB subyektinə “Startap” şəhadətnaməsi verilib

KOBİA-da Misir şirkəti ilə görüş keçirilib 08.02.21

Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov ölkəmizdə səfərdə olan Misirin inşaat və mühəndislik sahəsində fəaliyyət göstərən “Dorra” Şirkətlər Qrupunun İdarə Heyəti sədrinin müavini Məhəmməd Həsən Dorra ilə görüşüb.

Misir Ərəb Respublikasının ölkəmizdəki fövqəladə və səlahiyyətli səfiri Adel İbrahimin iştirakı ilə keçirilmiş görüşdə Orxan Məmmədov KOBİA-nın fəaliyyəti, KOB-lara göstərilən dəstək mexanizmləri barədə məlumat verib, əməkdaşlıq imkanları müzakirə edilib. Qeyd olunub ki, Agentlik müvafiq sahədə fəaliyyət göstərən yerli KOB subyektləri və biznes assosiasiyaları ilə “Dorra” Şirkətlər Qrupu arasında əlaqələrin qurulmasına, birgə layihələrin reallaşdırılmasına dəstək göstərə bilər. Görüşdə həmçinin, Azərbaycanda fəaliyyət göstərən sənaye parklarında rezidentlər üçün yaradılmış əlverişli imkanlar və güzəştlər barədə məlumat verilib.

“Dorra” Şirkətlər Qrupunun İdarə Heyəti sədrinin müavini Məhəmməd Həsən Dorra Azərbaycana investisiya qoyuluşu imkanları ilə bağlı səfər etdiklərini və bu məqsədlə bir sıra müvafiq qurumlarda görüşlər keçirəcəklərini, gələcəkdə işğaldan azad edilmiş ərazilərdə həyata keçiriləcək layihələrdə iştirakda maraqlı olduqlarını qeyd edib, Agentliklə əməkdaşlıq perspektivlərinə dair fikirlərini bölüşüb.