2024-cü ildə KOBİA-da 340-a yaxın vətəndaş qəbulu keçirilib.
Kiçik və Orta Biznesin İnkişafı Agentliyində (KOBİA) növbəti vətəndaş qəbulu keçirilib. Agentliyin rəhbər heyəti qəbulda iştirak edən sahibkarların biznes fəaliyyəti ilə bağlı müraciətlərini, o cümlədən təklif və çətinliklərini dinləyib, suallarını cavablandırıb.
Qəbulda sahibkarlar tərəfindən qaldırılan məsələlərin Agentliyin səlahiyyətləri çərçivəsində araşdırılacağı və həlli istiqamətində müvafiq dəstək və əlaqələndirmə tədbirlərinin görüləcəyi bildirilib.
Sahibkarlar KOBİA-nın www.smb.gov.az internet səhifəsindəki “Vətəndaşların qəbulu” bölməsi vasitəsilə Agentlik nümayəndələrinin qəbuluna yazıla bilərlər.
Qeyd edək ki, 2024-cü ildə Agentliyin inzibati binasında 340-a yaxın vətəndaş qəbulu keçirilib.
Powered by Froala Editor
