KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

İqtisadi Əməkdaşlıq və İnkişaf Təşkilatı KOB evi modelini qabaqcıl innovativ təcrübə kimi təqdim edib Azərbaycan və Qətər şirkətləri arasında saziş imzalanıb "Startap" şəhadətnaməsinin verilməsi barədə qərar necə qəbul olunur? “KOB FEST” sərgi-satış yarmarkası bu dəfə Gəncədə Azərbaycan və Vyetnam sahibkarları arasında görüş keçirilib Gəncə və Göygöl şəhərlərində dövlət dəstəyi ilə 15 qonaq evi yaradılıb Mingəçevir, Astara və Samuxda sahibkarlarla görüşlər keçirilib Reklam sektorunun inkişafına dair ictimai müzakirə təşkil olunub Şəkidə keçirilən “KOB FEST” sərgi-satış yarmarkasında 70-dən çox KOB subyektinin məhsul və xidmətləri sərgilənir Sahibkarların iştirakı ilə ətraf mühiti idarəetmə sistemlərinə dair tədbir keçirilib

KOBİA-nın dəstəyi ilə “EY ilin iş adamı”müsabiqəsinə start verilir 28.11.19

“Ernst&Young" Azərbaycanda ilk dəfə olaraq “EY ilin iş adamı” müsabiqəsini elan edir. Bu gündən etibarən müsabiqəyə müraciətlərin qəbuluna başlanılır. EY Azərbaycan tərəfindən təsis edilmiş “EY ilin iş adamı” proqramı dünyada ən nüfuzlu biznes mükafatlarındandır.

2019-2020-ci illər üzrə “EY ilin iş adamı” proqramı çərçivəsində EY Azərbaycan Kiçik və Orta Biznesin İnkişafı Agentliyi (KOBİA) ilə əməkdaşlıq edir.

Bu il “EY ilin iş adamı” proqramının diqqət mərkəzində kiçik və orta sahibkarlar dayanır. Azərbaycanın bütün sektorlarından olan kiçik və orta müəssisələr 19 yanvar 2020-ci il tarixinə qədər müsabiqədə iştirak üçün müraciət edə bilərlər. 2019-2020 proqramının finalçıları və milli müsabiqənin qalibi 11 mart 2020-ci il tarixində elan ediləcəkdir.

Dünyanın 60-dan çox ölkəsində həyata keçirilən “EY ilin iş adamı” proqramı sahibkarlıq fəaliyyətini təşviq edir, uğurlu iş adamlarının liderlik xüsusiyyətləri və nailiyyətlərini potensial sahibkarlarla bölüşməsinə vasitəçi olur. Müsabiqəyə bütün sahələrdə Azərbaycanın istənilən regionundan olan sahibkarlar qoşula bilər. Namizədliyini irəli sürəcək şəxslər müsabiqə barədə ətraflı məlumatı bu linkdən əldə edə bilər - https://www.ey.com/az/eoy

Finalçılar və qaliblər nüfuzlu sahibkarlar, dövlət şirkətlərinin top menecerləri, beynəlxalq maliyyə qurumlarının nümayəndələrindən ibarət müstəqil münsiflər heyəti tərəfindən seçiləcək.

“EY ilin iş adamı” müsabiqəsi BP və Azərbaycan Beynəlxalq Bankı tərəfindən dəstəklənir.