![KOBİA-nın təşkilatçılığı ilə Trabzon Ticarət və Sənaye Palatasının nümayəndə heyəti və Azərbaycan iş adamları arasında görüş keçirilib](https://smb.gov.az/storage/10927/1--20231025152258_A18I2756.jpg)
Trabzon Ticarət və Sənaye Palatasının nümayəndələri ilə görüşdə Azərbaycan və Türkiyə iş adamları arasında biznes və ticarət sahəsində əməkdaşlıq perspektivləri müzkirə edilib.
Türkiyənin Trabzon Ticarət və Sənaye Palatasının İdarə Heyətinin sədri Erkut Çelebinin rəhbərlik etdiyi iş adamlarından ibarət nümayəndə heyəti ölkəmizə səfər çərçivəsində “Bakı KOB evi”ndə olub. Kiçik və Orta Biznesin İnkişafı Agentliyinin (KOBİA) təşkilatçılığı ilə Trabzondan olan nümayəndə heyəti və yerli iş adamları arasında görüş keçirilib.
Görüşdə Agentlik tərəfindən sahibkarlara göstərilən dəstək və xidmətlər, yerli KOB-ların xarici iş adamları ilə əlaqələndirilməsi barədə məlumat verilib, Azərbaycan və Türkiyə iş adamları arasında biznes və ticarət sahəsində əməkdaşlıq, investisiya qoyuluşu imkanları müzakirə olunub.
Powered by Froala Editor