Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq
Sahibkarların müraciətləri dinlənilib “KOB könüllüləri” proqramına maraq artmaqda davam edir Biznes tərəfdaşlığı proqramı çərçivəsində təlimlər keçirilir Bu ilin ötən dövründə 35 “Startap” şəhadətnaməsi verilib Vergi güzəştləri ilə böyüyən startaplar: “BillKill” və “OnWay” Qəbələ və İsmayıllı rayonlarında fəaliyyət göstərən sahibkarların nəzərinə! Biznesə xidmət sahəsində innovativ model kimi KOB evlərinə maraq artır “Qarabağ KOB-ları 2026” layihəsi üzrə daha 55 nəfər təlimlərə cəlb olunub Cari ilin I yarısında KOB evlərində sahibkarlara 312 mindən çox xidmət göstərilib ELAN
​KOBİA pandemiyadan zərər çəkmiş sahibkarlar üçün növbəti onlayn tədbir təşkil edib 21.04.20
​KOBİA pandemiyadan zərər çəkmiş sahibkarlar üçün növbəti onlayn tədbir təşkil edib

Koronavirus (COVİD-19) pandemiyasından zərər çəkmiş sahələrdə fəaliyyət göstərən sahibkarların dövlət dəstəyi tədbirləri barədə məlumatlandırılması məqsədilə Azərbaycan Respublikasının Kiçik və Orta Biznesin İnkişafı Agentliyi (KOBİA) tərəfindən təşkil olunan onlayn tədbirlər davam edir.

Ötən həftə keçirilmiş onlayn maarifləndirmə tədbirlərindən 6 minə yaxın sahibkarlıq subyekti yararlanıb.

Aprelin 21-də KOBİA-nın təşkilatçılığı ilə keçirilmiş "Pandemiyadan zərər çəkmiş sahələrə göstərilən maliyyə dəstəyi" mövzusunda növbəti onlayn tədbirdə İqtisadiyyat Nazirliyi yanında Dövlət Vergi Xidmətinin və KOBİA-nın nümayəndələri sahibkarlıq subyektlərini maraqlandıran sualları cavablandırıb, nəzərdə tutulan yeni dövlət dəstəyi tədbirləri barədə məlumat veriblər.

KOBİA-nın "Facebook" səhifəsi (https://www.facebook.com/smb.gov.az) üzərindən birbaşa yayımlanmış onlayn tədbirdən 2 minə yaxın sahibkarlıq subyekti yararlanıb.

KOBİA-ya daxil olan müraciətlər və sahibkarlıq subyektlərinin marağı nəzərə alınmaqla pandemiyadan zərər çəkmiş sahibkarlıq subyektlərinin məlumatlandırılması üçün onlayn maarifləndirmə tədbirləri davam etdiriləcəkdir.

Powered by Froala Editor