Kiçik və Orta Biznesin İnkişafı Agentliyi (KOBİA) tərəfindən sahibkarlara göstərilən dəstək və xidmətlər barədə biznes subyektlərinin məlumatlandırılması üçün buklet və flayerlər hazırlanıb. Maarifləndirici materiallar Agentliyin rəsmi internet səhifəsində yerləşdirilib.
“KOBİA”, “KOB dostu”, “Sahibkarların bilik və bacarıqlarının artırılması”, “Startap şəhadətnaməsi”, “Bazarlara çıxışa dəstək”, “KOB bazar” adlı buklet və flayerlərdə Agentlik tərəfindən sahibkarlara göstərilən müxtəlif dəstək və xidmətlər barədə zəruri məlumatlar verilir.
Həmçinin, Agentlik tərəfindən gənclərin, xüsusilə də idarəetmə, biznes və menecment ixtisasları üzrə təhsil alan tələbə və magistrların müvafiq sahədə bilik və bacarıqlarını, dünyagörüşünü artırmağa, ilkin əmək vərdişlərinə yiyələnmələrinə dəstək olan “KOB könüllüləri Proqramı” barədə flayer hazırlanıb.
Buklet və flayerlərlə tanış olmaq üçün bu keçiddən istifadə edə bilərsiniz: https://www.smb.gov.az/az/nav/kob-lar-ucun-faydali
KOBİA tərəfindən sahibkarların və biznesə başlamaq istəyən şəxslərin Agentliyin dəstək və xidmətləri, eləcə də sahibkarlıq fəaliyyəti ilə bağlı məlumatlandırılması və maarifləndirilməsi istiqamətində tədbirlər davam etdirilir.
Powered by Froala Editor
