![KOBİA Vaşinqtonda keçirilən Kiçik Biznes üzrə Beynəlxalq Şuranın Dünya Konqresində iştirak edib](https://smb.gov.az/storage/6695/2.jpg)
Vaşinqtonda Kiçik Biznes üzrə Beynəlxalq Şuranın - ICSB Dünya Konqresi keçirilib. Tədbirdə müxtəlif ölkələrdən dövlət və özəl qurumların nümayəndələri, mikro və kiçik sahibkarlıq subyektləri, ekspertlər iştirak ediblər.
Toplantıda Kiçik və Orta Biznesin İnkişafı Agentliyinin (KOBİA) rəhbərliyi də iştirak edib. Konqres çərçivəsində keçirilən “Sahibkarlıq inqilabı - gələcək” mövzusunda paneldə KOBİA-nın İdarə Heyətinin sədri Orxan Məmmədov biznesin inkişafına, sahibkarlıq sahəsində yeni trendlərə, Agentliyin fəaliyyətinə, KOB-lara göstərilən dəstək və xidmətlərə dair məlumat verib.
Qeyd edək ki, KOBİA 2021-ci ildən Kiçik Biznes üzrə Beynəlxalq Şuranın (ICSB) üzvüdür. Beynəlxalq miqyasda kiçik biznesin böyüməsini və inkişafını dəstəkləyən, biznesin idarə edilməsi və sahibkarlığın inkişafı ilə bağlı yenilikləri təbliğ edən ICSB sıralarında 90-a yaxın ölkənin müvafiq qurumlarını birləşdirir.
Powered by Froala Editor